قازاقستاندا 5 اسكەري سوت تاراتىلىپ، 34 سۋديا قىزمەتىنەن كەتتى. بۇل تۋرالى جوعارى سوت كەڭەسىنىڭ توراعاسى تالعات دوناقوۆ مالىمدەدى.

جوعارى سوت كەڭەسى ناتيجەسىندە اقتاۋ، قاراعاندى، قوستاناي، تالدىقورعان، وسكەمەن گارنيزوندارىنا قاراسىت اسكەري سوتتار تاراتىلعان. ونداعى شتاتتىق لاۋازىمدار جەرگىلىكتى سوتتارعا اۋىستىرىلادى. سونىمەن قاتار، كەڭەستە قر جوعارعى سوتىنىڭ قىلمىستىق ىستەر جونىندەگى القاسىنىڭ توراعاسى لاۋازىمىنا ۇمىتكەردىڭ كانديداتۋراسى ماقۇلداندى.

جوعارى سوت تاراتقان حابارلامادا: «بۇدان بولەك، 34 سۋديا ءتۇرلى سەبەپتەرمەن اتقارىپ جاتقان قىزمەتىنەن بوساتىلاتىن بولدى. ونىڭ ىشىندە 17-ءسى سۋديا بولىپ قالا بەرەدى جانە باسقا لاۋازىمدارعا تاعايىندالادى. كەڭەس وتىرىسىندا سونداي-اق جوعارعى سوت جانىنداعى سوت تورەلىگىن جۇزەگە اسىرۋ ساپاسى جونىندەگى كوميسسيا شەشىمدەرىنە جانە سوت ءجيۋريىنىڭ شەشىمدەرىنە سۋديالاردان تۇسكەن 6 شاعىم قارالدى. ولاردى قاراۋ بويىنشا 2 سۋديانىڭ شاعىمدارى قاناعاتتاندىرىلىپ، قالعان 4 سۋديا بويىنشا شەشىم ءوز كۇشىندە قالدى» – دەلىنگەن.

 

"The Qazaq Times"