Osaka sammitiniñ qortındı otırısı. Foto: The Japan Times.

Ötken aptanıñ soñında älem elderiniñ nazarı Japoniyanıñ Osaka qalasında ötken «Ülken jiırmalıq» sammitine audı. Älemdegi aldınğı qatarlı ekonomikağa ie elderdiñ liderleri men özge de elder men wyımdardıñ ökilderi şaqırılğan jinalıs şın mänisinde de özindik mañızğa ie edi. Olay deytinimiz, atalmış jiın halıqaralıq sayasi-ekonomikalıq qayşılıqtardıñ küşeygen twsında ötti.

Senbi küni sammittiñ qorıtındı jinalısında Japoniyanıñ bas uäziri (prem'er-ministri) Şinzo Abe bayandama jasap, älem elderiniñ liderlerin ıntımaqtastıq pen twraqtı damuğa şaqırdı. Ol sözinde älemdi sauda soğısı men protekcionizm tolqını şarpıp twrğanın erekşe atay kelip, qatısuşılardan kelispeuşilikterdi şeşu kezinde ortaq negizge wmtıludı ötindi.

Japon prem'eri sözinde: «Bizde qazir älemdik ekonomika men twraqsızdıqqa baylanıstı türli alañdauşılıq bar. Şın mänisinde bizdiñ jauapkerşiligimiz bwdan da küştirek. Biz Osakada qabıldanğan deklaraciyağa negizdele otırıp, ayırmaşılıqtardan köri ortaqtıqqa qaray wmtıluğa tiispiz. Aldağı uaqıtta özara tiimdi, ornıqtı damuğa ie bolaşaq qoğamın qwrğanğa deyin birge jwmıs istey bereyik», – dedi.

Japoniyanıñ bas uäziri sözinde AQŞ prezidenti men Qıtay basşısına da wsınısın ayta ketti. Onıñ oyınşa, Tramp pen Şi Jinpiñ sauda qayşılığın şeşu üşin sındarlı pikir talas jürgizui kerek. Sonday-aq, senbidegi otırısta Saud Arabiyasınıñ taq mwrager hanzadası Mwhammed bin Salman da Japon bas uäziriniñ sözin qostap, halıqaralıq ıntımaqtastıq pen twraqtılıq üşin üylestiru jwmıstarınıñ kerek ekenin ayttı.

Ospakadağı jinalısta birqatar elderdiñ basşıları jekelegen kezdesuler ötkizip, eki jaqtı, köp jaqtı ıntımaqtastıq turalı talqı ötkizgen bolatın. Eger aldağı uaqıtta älem ekonomikası üşin jaña qauip qatarlı sanalğan sauda soğısında AQŞ pen Qıtay kelisimge jüginse, soğıs qaupinen älem jwrtşılığın alañdatıp otırğan AQŞ-Iran qayşılığı rettelip jatsa, onda Osakadağı dübirli jiınnıñ oñ ıqpalı dep sanauğa boladı.

“The Qazaq Times”