Sammit arasında wşırasıp qalğan prezidentterdiñ basbarmağı. Foto: Daily Sabah.

Türkiya, AQŞ jäne Resey arasındağı S-400 äue qorğanıs jüyesine qatıstı mäsele «Ülken jiırmalıq» sammitinde şeşim tabuı mümkin. Mwnday mälimdemeni NATO-nıñ bas hatşısı Yens Stoltenberg jasağan.

NATO bas hatşısı Bel'giya astanası Bryussel'de ötken NATO mäjilisinen keyin baspasöz jiının ötkizdi. Stoltenbergtiñ aytuınşa, NATO Auğanstan qorğanıs küşterin qarjılay qoldauın 2024 jılğa deyin jalğastıra beredi. Sonday-aq, NATO terrorlıq toptardıñ Auğanstanda küş biriktiruine jol bermeu üşin äskeri operaciyalardı qamtığan qauipsizdik şaraları da jasalmaq.

Yens Stoltonberg mälimdemesinde Türkiyanıñ reseylik qorğanıs jüyesin satıp alu mäselesine de jauap bere ketken. Onıñ aytuınşa kezekti qorğanıs ministrler bas qosuında Türkiyanıñ S-400 zımıran jüyesin satıp aluı resmi taqırıpta talqılanbadı. Alayda, NATO men Türkiya qorğanıs ökilderi arasındağı jekelegen kezdesulerde pikir almasqan. Kezekti «Ülken jiırmalıq sammitinde Türkiya men AQŞ prezidentteri arasındağı kezdesude bwl mäsele şeşim tabuı mümkin ekenin bildirdi.

“The Qazaq Times”