سامميت اراسىندا ۇشىراسىپ قالعان پرەزيدەنتتەردىڭ باسبارماعى. فوتو: Daily Sabah.

تۇركيا، اقش جانە رەسەي اراسىنداعى S-400 اۋە قورعانىس جۇيەسىنە قاتىستى ماسەلە «ۇلكەن جيىرمالىق» سامميتىندە شەشىم تابۋى مۇمكىن. مۇنداي مالىمدەمەنى ناتو-نىڭ باس حاتشىسى يەنس ستولتەنبەرگ جاساعان.

ناتو باس حاتشىسى بەلگيا استاناسى بريۋسسەلدە وتكەن ناتو ماجىلىسىنەن كەيىن ءباسپاسوز جيىنىن وتكىزدى. ستولتەنبەرگتىڭ ايتۋىنشا، ناتو اۋعانستان قورعانىس كۇشتەرىن قارجىلاي قولداۋىن 2024 جىلعا دەيىن جالعاستىرا بەرەدى. سونداي-اق، ناتو تەررورلىق توپتاردىڭ اۋعانستاندا كۇش بىرىكتىرۋىنە جول بەرمەۋ ءۇشىن اسكەري وپەراتسيالاردى قامتىعان قاۋىپسىزدىك شارالارى دا جاسالماق.

يەنس ستولتونبەرگ مالىمدەمەسىندە تۇركيانىڭ رەسەيلىك قورعانىس جۇيەسىن ساتىپ الۋ ماسەلەسىنە دە جاۋاپ بەرە كەتكەن. ونىڭ ايتۋىنشا كەزەكتى قورعانىس مينيسترلەر باس قوسۋىندا تۇركيانىڭ S-400 زىمىران جۇيەسىن ساتىپ الۋى رەسمي تاقىرىپتا تالقىلانبادى. الايدا، ناتو مەن تۇركيا قورعانىس وكىلدەرى اراسىنداعى جەكەلەگەن كەزدەسۋلەردە پىكىر الماسقان. كەزەكتى «ۇلكەن جيىرمالىق سامميتىندە تۇركيا مەن اقش پرەزيدەنتتەرى اراسىنداعى كەزدەسۋدە بۇل ماسەلە شەشىم تابۋى مۇمكىن ەكەنىن ءبىلدىردى.

“The Qazaq Times”