AQŞ-tıñ eki sarbazı Auğanstanda qaza taptı. Bwl turalı Aljazeera basılımı habarladı.

Reseylik mnews.world portalı sarbazdar qasaqana öltirilui mümkin deydi. NATO basqaratın missiyanıñ mälimdeuinşe, Auğanstanda sarbazdardıñ qaytıs boluına qatıstı eşqanday mälimetter aytılmağan. AQŞ äskerileri qos sarbazdıñ otbasıları bwl jaytpen habardar bolğanğa deyin, atı-jönderi resmi jariyalanbaydı dedi.

Sarbazdar osı aptada AQŞ-tıñ Memlekettik hatşısı Mayk Pompeo Kabulda Auğanstan prezidenti Aşraf Ganimen kezdesu ötkizgennen keyin kelesi küni qaza tapqan. Pompeo bwl saparında aymaqtağı atışulı Taliban lañkestik wyımınıñ ökilderimen beybit kelissöz jürgizu jäne osı jıldıñ qırküyeginde ötetin prezidenttik saylau aldında öñirdegi qauipsizdik mäselesin talqılağan. Sonımen qatar, Pompeo Auğanstannıñ bwrınğı prezidenti Hamid Karzaymen birge basqa da joğarı lauazımdı sayasatkerlermen beybitşilik pen qauipsizdikti qamtamasız etu mäselelerin söz etti.

"The Qazaq Times"