فوتو: Reuters

اقش-تىڭ ەكى ساربازى اۋعانستاندا قازا تاپتى. بۇل تۋرالى Aljazeera باسىلىمى حابارلادى.

رەسەيلىك mnews.world پورتالى ساربازدار قاساقانا ءولتىرىلۋى مۇمكىن دەيدى. ناتو باسقاراتىن ميسسيانىڭ مالىمدەۋىنشە، اۋعانستاندا ساربازداردىڭ قايتىس بولۋىنا قاتىستى ەشقانداي مالىمەتتەر ايتىلماعان. اقش اسكەريلەرى قوس ساربازدىڭ وتباسىلارى بۇل جايتپەن حاباردار بولعانعا دەيىن، اتى-جوندەرى رەسمي جاريالانبايدى دەدى.

ساربازدار وسى اپتادا اقش-تىڭ مەملەكەتتىك حاتشىسى مايك پومپەو كابۋلدا اۋعانستان پرەزيدەنتى اشراف گانيمەن كەزدەسۋ وتكىزگەننەن كەيىن كەلەسى كۇنى قازا تاپقان. پومپەو بۇل ساپارىندا ايماقتاعى اتىشۋلى تاليبان لاڭكەستىك ۇيىمىنىڭ وكىلدەرىمەن بەيبىت كەلىسسوز جۇرگىزۋ جانە وسى جىلدىڭ قىركۇيەگىندە وتەتىن پرەزيدەنتتىك سايلاۋ الدىندا وڭىردەگى قاۋىپسىزدىك ماسەلەسىن تالقىلاعان. سونىمەن قاتار، پومپەو اۋعانستاننىڭ بۇرىنعى پرەزيدەنتى حاميد كارزايمەن بىرگە باسقا دا جوعارى لاۋازىمدى ساياساتكەرلەرمەن بەيبىتشىلىك پەن قاۋىپسىزدىكتى قامتاماسىز ەتۋ ماسەلەلەرىن ءسوز ەتتى.

"The Qazaq Times"