Foto: https://kaz.tengrinews.kz

Arıstağı jarılıstan keyin bügin tünde tağı bir äskeri qızmetker qaza taptı. Bwl turalı Türkistan oblıstıq densaulıq saqtau basqarmasınıñ basşısı Mwqan Egizbaev habarladı.

24 mausımda Arıs qalasındağı äskeri qomalardıñ birinde jarılıs bolğan. Bastapqıda Qorğanıs ministrligi jarılıs saldarınan eşqanday adamnıñ zardap şekpegendigin aytıp, mälimdeme taratqan. Keyinen äleumettik jelilerde jaraqat alğan adamdardıñ beynerolikteri taradı. Oqiğadan keyin eki adam qaza tauıp, 165 adam medicinalıq kömekke jügingen bolatın.

Qazirgi uaqıtta Arıstağı äskeri bölimşe aumağındağı oq-däri qoymasında jarılıstar tıyıldı. Qorğanıs ministrligi Arıs qalasınıñ aumağın jarılmay qalğan oq-därilerden tazartu üşin arnayı saperler tobın qwrğan. Bügin Arıs qalasındağı 16 köşeden jarılıp ülgermegen 70 snaryadtıñ tabılğanı belgili boldı. Sol sebepti twrğındar üşin qalağa qaytu qauipti.

"The Qazaq Times"