Arısta tötenşe jağday saldarımen küres jalğasıp jatır.

Qorğanıs ministrliginiñ resmi ökili Serik Borambaevtıñ mälimetinşe, qazirgi uaqıtta qala aumağına qarulı küşterdiñ 1 mıñ 800-ge juıq äskeri mamanı tartıldı. Bwğan qosa, 50-den asa arnayı tehnika jwmıldırılğan. Al äuede 7 wşu apparatı baqılau jürgizip jür. Onıñ ekeui qaşıqtıqtan basqarılatın barlau qwraldarı.

Osığan deyin prem'er-ministr Asqar Mämin: «Memleket basşısı Arıstağı oqiğa ornına bardı. Qasım-Jomart Toqaev tapsırmalar berdi. Tiisti şaralar wyımdastırılıp, Arıs halqı qauipsiz aymaqtarğa köşirildi. Ökinişke oray bir twrğın men bir äskeri qızmetker köz jwmdı. Tuğan-tuıstarına qayğıra köñil aytamın. Zardap şekkenderge medicinalıq kömek körsetilude», – dep habarlağan bolatın.

Eske sala keteyik, 24 mausımda Arıs qalasındağı äskeri qomalardıñ birinde jarılıs bolğan. Bastapqıda Qorğanıs ministrligi jarılıs saldarınan eşqanday adamnıñ zardap şekpegendigin aytıp, mälimdeme taratqan. Keyinen äleumettik jelilerde jaraqat alğan adamdardıñ beynerolikteri taradı.

"The Qazaq Times"