Donal'd Tramp. Foto: The Wall Street Journal

AQŞ prezidenti Donal'd Tramptıñ janınan tağı bir reseyşil şeneunik tabıldı.  Osıdan bwrın Maykl Flinn reseylik elşimen jeke kezdesip, AQŞ-tıñ memlekettik qwpiyaların talqıladı dep ayıptalıp, jwmıstan bosatılğan edi.  1 naurız küni «Washington Post» basılımı Tramp komandasındağı tağı «reseymen astasqan» lauazımdınıñ atın atadı.

Atalğan basılımda, ötken jılı prezident saylauı kezinde, osı kezdegi AQŞ ädilet ministri Jef Saşonstiñ (Jeff Sessions) Reseydiñ AQŞ-tağı bas elşisimen eki märte jekeley kezdeskeni turalı maqala jariyalandı. Bwl Tramp komandasın «satqın» etip körsetken ekinşi adam boldı. Osıdan bwrın Aq üy qauipsizdik jönindegi bas keñesşi Maykl Flinn «reseyşil satqın» bolıp ayıptalğan bolatın. Art-artınan tuılğan bwl ister Tramp komandasınıñ Uaşingtondağı senimine sızat salatını anıq. Onsız da qarsılıqtarğa köptep wrınıp, tarihtağı eñ daulı prezident atalğan Trampqa bas auırtar problema tabılıp-aq twr.

1 naurız küni, «Washington Post»-tan basqa da AQŞ-tağı bedeldi basılımdardıñ bir qatarı, Saşonstiñ ötken jılı şilde ayında Uaşingtonda ötken bir retki talqı keñeste köptegen elderdiñ bas elşilerimen kezdeskenin, sonıñ arasında Reseydiñ AQŞ-tağı joğarı elşisi Sergey Kislyakpen de beyresmi äñgimede bolğanın habarladı. Al, ötken jıldıñ qırküyek ayında keñsesinde Kislyakpen telefon arqılı söyleskeni de mälim boldı. Al osı jıldıñ basında keñes palatası mäjilisi kezinde,  ol bwl eki retki kezdesudi turalı eşbir lebiz bildirmegen bolatın.

Kongres tarabınan Demokrattar partiyasınıñ jetekşisi Nensi Pelosi ädilet ministriniñ jwmıstan bosatıluın talap etti. AQŞ prezidenti bolsa saylau kezinde de AQŞ-Resey qarım qatınasın jaqsartatın sıñay tanıttı jäne prezidenttikke tağayındalğannan keyin de bwl oyın iske asırğısı kelgen birneşe qadamdarğa bardı. Degenmen Aq üyde qalıptasqan "dästür" boyınşa bwl qadamdarı qarsılıqtarğa wşırap edi. Sebebi, Uaşingtonda tarihtan beri qalıptasqan Kreml'ge degen senimsizdik minezi bar. AQŞ-Resey qatınasınıñ jaqsaruın qalamaytın müddeli taraptar, Tramp ükimetiniñ sayasatına qoldau tanıtpaydı. Aq üydegi qarsılıq pen ayıptaular aldında AQŞ prezidenti Donal'd Tramp ıñğaysız jağdayda qaldı.

“The Qazaq Times”