Foto: https://zatulin.ru

Gruziya äue kompaniyaları 8 şildeden bastap Resey aumağında wşpaydı. Bwl turalı RF Kölik ministrligi habarladı.

Mälimetter boyınşa, äue qatınasınıñ toqtauına äue qauipsizdigi mäselesi jäne «Äue qozğalısın wyımdastıru jönindegi  memkorporaciya» FMUK aldındağı aeronavigaciyalıq qızmet üşin qarızdıñ artuı sebep bolğan. «Georgian Airways» jäne «MyWay Airlines» kompaniyaları äue qauipsizdigi bağdarlamasın wsınıp, qarızdı ötep bitkenge deyin tıyım salu turalı şeşim öz küşinde qalmaq. Gruziyanıñ aeronavigaciyalıq qızmet üşin qarızınıñ jalpı soması $793 mıñğa jetken. Al 2008 jıldan beri 592,2 mıñ rubl' tölenbegen.

21 mausımda Resey delegaciyasınıñ Pravoslavie parlamentaralıq Bas assambleyasına qatısuına baylanıstı Tbliside jappay narazılıq ötken bolatın. Delegaciyanı basqaruşı jäne ASM basşısı RF memlekettik dumasınıñ deputatı Sergey Gavrilovtıñ sessiya kezinde Gruziya parlamenti spikeriniñ kreslosına otırıp, jinalğandarğa orıs tilinde söylegeni oppoziciyanıñ narazılığın tudırğan. Gruziyanıñ oppoziciyalıq deputattarı mwnı qorlau dep bağalap narazılıqtarın bildirip, Bas assambleyanıñ jwmısın toqtattı. Eldiñ İşki ister ministri G.Gahariya şeruşilerdi polciyağa bağınuğa şaqırğanmen, nätije bolğan joq. Keyinnen RF memlekettik dumasınıñ deputatı S.Gavrilov jäne basqa da Memlekettik dumanıñ deputattarı Tbilisiden wşıp ketken. Däl osı küni Resey prezidenti Vladimir Putin Gruziya äue qatınastarınıñ Resey aumağında wşuına tıyım salu turalı jarlıqqa qol qoydı.

"The Qazaq Times"