Ündistanda aptap ıstıqtıñ beti qaytar emes. Foto: The Logical Indian.

Mausım ayı bastalğalı beri Ündistannıñ soltüstik jäne şığıs aymaqtarında aua temperaturası rekordtıq deñgeyde twrdı. Ortalıq qala Jaña-Delide 10 mausım küni tarihtağı eñ joğarı temperatura tirkeldi. Ündistan ükimetiniñ resmi mälimetine qarağanda, ay basınan beri aptap ıstıqtan 186 adam köz jwmğan. 

Ündistan aqparat qwraldarındağı habarlarğa qarağanda, joğarı temperatura el şığısındağı Bihar provinciyasınıñ twrğındarına köbirek qiındıqtar äkelude. Soltüstik aymaqtar, Jaña-Delige jaqın provinciyalarda aua temperaturası 50 S°-tan asıp ketken. Bir aydan astam uaqıt jalğasqan aptap ıstıq mausım ayında tipti küşeygen. Temperaturanıñ joğarlauınan körşiles Bangladeş halqı da zardap şegude. 

Ayta keteyik, BWW-nıñ bıltırğı mälimetinde Jer klimatınıñ özgerisi qazirgi qarqınmen jalğasa berse, oğan qarsı şaralar tez arada jasalmasa, endi 50 jıldan keyin Ündistan men Bangladeştiñ basım köp öñirlerinde adam ömir süruge mümkin bolmay qaladı. Sebebi, Ündi mwhitına tän aua ağıstarı teñizdiñ ılğal auasın qwrlıqqa şığarıp twradı. Qwrlıqta joğarı temperatura men teñizdiñ ılğal auası ılğal ıstıqtı qalıptastırıp, adamdardıñ tınıs aluına ülken kedergi keltiredi. 30 S° şamasındağı ılğal ıstıq pen tura sonday şamadağı qwrğaq ıstıq adamdardıñ ömir sürui üşin ülken parıqtardı tudıradı.

“The Qazaq Times”