ŞIW-nıñ Bişkektegi sammiti. Foto: OFFICIAL/KTR,

Bişkekte ötken Şanhay ıntımaqtastıq wyımnıñ sammitinde Parsı şığanağınıñ dağdarısı da talqığa salındı. Iran prezidenti Hasan Ruhani Qwrama Ştattı halıqaralıq erejelerdi bwzdı dep ayıptadı jäne Irannıñ ekonomikalıq müddelerin qoldauğa şaqırdı. Päkistan prem'er-ministri Imaran Han Parsı şığanağındağı qauipsizdik jağdayınan alañdaytının ayta kelip, AQŞ-Iran dağdarısın diplomatiyalıq jolmen şeşudi wsındı. 

ŞIW-nıñ sammitinde Resey prezidenti Vladimir Putin de Iran-AQŞ dağdarısı turalı toqtalıp, AQŞ-tıñ yadrolıq kelisimnen bar taraptı şığıp ketui aymaqtağı twraqsızdıqtı arttırıp qana qoymay, Iranmen bolğan yadrolıq kelisimdi bir jolata toqtatuı mümkin ekenin eskertken.

Bwl sammitte prezident Hasan Ruhani Qıtay basşısı Şi Jinpiiñmen de kezdesip, Beyjiñniñ qoldauına ie boldı. Qıtay halıqaralıq jağdaylardıñ özgergenine qaramastan Iranmen qol qoyğan kelisimdi saqtaytının, ekijaqtı qarım-qatınastı damıta beretinin ayttı.

Iran prezidenti Bişkektegi sammitte Parsı şığanağındağı dağdarstı şeşu turalı öz wsınıstarın da jetkizgen. Şielenisti sankciya nemese soğıspen emes, kelissöz dialog arqılı şeşu kerek degen pikirin aytqan. Sonday-aq, ol Şanhay ıntımaqtastıq wyımınıñ müşelerinen Iran ekonomikalıq müddesin qorğaudı swrağan.

Iran men AQŞ arasındağı qayşılıqtıñ artuına baylanıstı Şanhay ıntımaqtastıq wyımı da ülken sınğa tap boldı deuge boladı. Iran Şanhay ıntımaqtastıq wyımına müşe bolmağanımen, wyımdağı eñ ıqpaldı Qıtay men Reseydiñ qoldauına ie bolğan. Äri, atalğan wyımğa müşe boluğa ötiniş bergen elderdiñ biri. Irannıñ atalğan wyımğa müşe boluı wyımnıñ salmağın arttırıp, ıqpalın keñeytedi. Alayda, qwramındağı Qazaqstan sekildi beybit jäne köpvektorlı sayasattı jaqtauşı elder üşin tiimsiz boladı.

“The Qazaq Times”