Şanhay Intımaqtastıq wyımınıñ qatarına tağı bir el qosıladı. Iran Islam Respulikası atalğan wyımnıñ jaña müşesi bolmaq. Bwl turalı Iran Wlttıq qauipsizdik keñesiniñ bas hatşısı öziniñ äleumettik jelidegi paraqşasında mälimdedi.
Iran Wlttıq qauipsizdik keñesiniñ bas hatşısı Ali Şemhani öziniñ Twitter-de jasağan mälimdemesinde Irannıñ atalmış wyımğa müşe boluına soñğı sayasi kederginiñ joyılğanın, azdağan tehnikalıq procesterden keyin resmi müşelikke ötetinin jazğan.
Bwl mälimdemesiniñ aldında Şehmani reseylik äriptesi Nikolay Patruşevpen telefon arqılı swhbattasqan. Olar söylesu kezinde Auğanstan, Süriya jäne Parsı şığanağı mäselelerin talqılağan. Sonday-aq, Irannıñ ŞIW-na müşe boluı turalı ortaq pikirge de kelgen.
Ayta keteyik, ŞIW eñ alğaş 1996 jılı Qıtay, Resey, Qazaqstan, Qırğızstan jäne Täjikstannıñ qatısuımen «Şanhay bestigi» bolıp qwrıldı. 5 jıldan keyin qatarına Özbekstandı qosqan bestik endigi jerde «Şanhay ıntımaqtastıq wyımı» dep ataldı. Wyım öziniñ qatarın birtindep keñeytti. EKSPO-2017 qarsañında elorlamızda ötken sammit kezinde wyımğa Ündistan men Päkistan qosılıp, tört birdey yadrolıq derjava qatısqan ıqpaldı wyım retinde körine bastadı.
Degenmen, ıntımaqtastıq wyım müşeleri arasında müddelik ortaqtıq äli de tömen deñgeyde. Soñğı jıldarı ündi-qıtay qatınası şielenisip, Ündistannıñ wyımdağı bolaşağı bwldır bola tüsti. Irannıñ jaña müşelikke qabıldanuı Qazaqstandı qamtığan wyımdı türli täuekelderge tigui bek mümkin.
Venesueladağı äskeri operaciya: Tramptıñ mälimdemesi jäne aymaqtıq twraqsızdıq täuekeli
Ukraina soğıs jağdayındağı basqaru modelin qayta qalıptastıruda: Budanov prezident keñsesine keldi
Yemen soğısınıñ jaña kezeñi: oñtüstiktegi qaqtığıs jäne aymaqtıq derjavalardıñ oyını
Beybitşilikke böget bolğan logika: Ukraina–Resey soğısınıñ şeşilmeytin tüyini
Narazılıqtıñ tüp-törkini: Iran qoğamın alañğa şığarğan negizgi sebepter
Äzerbayjannıñ batıl mälimdemeleri Kreml'ge qanday belgi beredi?