Iran ruhani kösemi Japoniya prem'erin qabıldadı. Foto: IRNA,

Keşe Japoniya prem'er-ministri Irandağı saparında sol eldiñ ruhani kösemi, ayatolla Homeynimen kezdesti. Kezdesude AQŞ pen Iran arasındağı kelissöz mäselesi talqığa salındı. Alayda, Irannıñ eñ joğarı basşısı AQŞ-pen kelissöz ötkizudi qalamaytındarın mälimdedi. 

Kezdesude Japoniya prem'er-ministri Şinzo Abe AQŞ prezidenti Donal'd Tramptıñ "sälemin" jetkizgen. Bwdan bwrın Tramp Japoniyadağı saparında prem'er-ministri Şinzo Abeden AQŞ-Iran arasındağı qarım-qatınastıñ jaqsaruına qoldau körsetuin ötingen edi. Japon prem'eri Tokiodan attanar aldında da kezekti saparında eki el qatınasın retteuge küş salatının bildirgen. Alayda, Iran joğarı basşısı Tramptıñ joldauına jauap qaytarmaytının ayttı.

"Biz sizdiñ şınayı nietpen kelip otırğanıñızdan eş kümändanbaymız, Tramptıñ joldauına keler bolsaq, onı dialog almasatın adam dep sanamaymın. Sondıqtan da oğan jauap bermeymin", – degen Iran joğarı basşısı kezdesude.

Abe Homeynige AQŞ-tıñ Iran rejimin özgertudi maqsat etpeytinin, bwl turalı Tramppen talqılağanın jetkizgen. Iran basşısı bwl jöninde: "Bizdiñ AQŞ-pen bolğan qayşılığımız rejim almastıruda emes. Olarda mwnday maqsat bolğan künniñ özinde onı jüzege asıruğa şaması jetpeydi. AQŞ-tıñ bwrınğı basşıları da bwğan küş salıp körgen. Biraq, qauqarı jetpegen", – degen.

Homeyni men Şinzo Abe arasındağı kezdesude yadrolıq qaru turalı da talqılandı. Japon prem'eri AQŞ-tıñ Iranğa yadrolıq qaru jasauğa jol bermeuge tırısatının ayttı. Iran joğarı basşısı bwğan: "Iran yadrolıq qaruğa qarsı el. Men yadrolıq qaru jasaudı "haram" dep pätua şığardım. Biraq, AQŞ-tıñ bilgeni dwrıs – eger biz yadrolıq qaru jasaudı maqsat etsek, AQŞ bizge kedergi bola almaydı", – dep jauap bergen.

Japoniya men Iran lauazımdıları arasındağı kezdesudiñ negizgi qorıtındısı anıq bolğan. YAğni, Iran tarabı AQŞ-pen kelissöz jürgizudi qalamaydı, sebebi, kelissöz jürgizu özine degen qısımdı arttıru dep sanaydı. IIR jetekşisi sözinde: "Iran AQŞ-qa mülde senbeydi. "Ortaq qadam" bağdarlaması boyınşa AQŞ-pen jürgizgen kelissözdiñ sätsizdigin qaytalağısı kelmeydi. Qanday da bir egemen halıq qısım astında kelissözge keludi qalamaydı", – degen.

“The Qazaq Times”