Almatı qalasınıñ birneşe köşelerinde policiyalardıñ jürginşilerdi wstau äreketi jalğasuda. Tilşilerimizdiñ habarına qarağanda, elimizge tanımal jurnalist Baqıtjan Qosbarmaqovtı policiya wstap äketken. 

Policiya qızmetkerleri jurnalist Baqıtjan Qosbarmaqovtı "Astana" alañı mañınan arnayı kölikke küştep otırğızıp alıp ketken. Tilşilerimizdiñ aytuınşa, Baqıtjan Qosbarmaqov policiya qızmetkerlerine jurnalistik kuäligi men jeke kuäligin körsetip, qwjattarınıñ tolıq ekenin aytqan. Alayda, policiya qızmetkerleri küştep kölikke otırğızğan.

Baqıtjan Qosbarmaqov pen birge jaqında ğana şetelden kelgen jurnalist Erjan Äbdiramandı da policiya wstağan.

Qala işindegi jurnalisterimiz, "Astana" alañı men Abay jäne Baytwrsınwlı köşeleri boyında policiyanıñ jürginşilerdi wstauı äli de jalğasıp jatqanın habarlauda. Olar qazirge deyin onnan astam adamnıñ wstalğanın aytadı.

“The Qazaq Times”