الماتى قالاسىنىڭ بىرنەشە كوشەلەرىندە پوليتسيالاردىڭ جۇرگىنشىلەردى ۇستاۋ ارەكەتى جالعاسۋدا. تىلشىلەرىمىزدىڭ حابارىنا قاراعاندا، ەلىمىزگە تانىمال جۋرناليست باقىتجان قوسبارماقوۆتى پوليتسيا ۇستاپ اكەتكەن. 

پوليتسيا قىزمەتكەرلەرى جۋرناليست باقىتجان قوسبارماقوۆتى "استانا" الاڭى ماڭىنان ارنايى كولىككە كۇشتەپ وتىرعىزىپ الىپ كەتكەن. تىلشىلەرىمىزدىڭ ايتۋىنشا، باقىتجان قوسبارماقوۆ پوليتسيا قىزمەتكەرلەرىنە جۋرناليستىك كۋالىگى مەن جەكە كۋالىگىن كورسەتىپ، قۇجاتتارىنىڭ تولىق ەكەنىن ايتقان. الايدا، پوليتسيا قىزمەتكەرلەرى كۇشتەپ كولىككە وتىرعىزعان.

باقىتجان قوسبارماقوۆ پەن بىرگە جاقىندا عانا شەتەلدەن كەلگەن جۋرناليست ەرجان ءابدىراماندى دا پوليتسيا ۇستاعان.

قالا ىشىندەگى جۋرناليستەرىمىز، "استانا" الاڭى مەن اباي جانە بايتۇرسىنۇلى كوشەلەرى بويىندا پوليتسيانىڭ جۇرگىنشىلەردى ۇستاۋى ءالى دە جالعاسىپ جاتقانىن حابارلاۋدا. ولار قازىرگە دەيىن وننان استام ادامنىڭ ۇستالعانىن ايتادى.

“The Qazaq Times”