Bügin, 9 mausım kezekten tıs prezident saylauı küninde Almatıdağı «Astana» alañı jäne Äliya-Mänşük parkine jüzdegen adam jinalıp, narazılıq akciyasın ötkizdi. Alayda, narazılıq akciyası policiya tarabınan küşpen taratıldı.

Foto: QT.

Tüski sağan 11:00 şamasında «Astana» alañı men Äliya-Mänşük parkine bir top narazı jwrt jinala bastadı. Jinalğandardıñ qarası köbeye bere policiya qızmetkerleri jürginşilerdi arnayı policiya kölikterine otırğızıp, äkete bastadı.

"Policiya halıqtıñ ayağın jerge tigizbeydi". Foto: QT.

Narazı jwrt özderin wstauğa tırısqan policiyalarğa «Policiya halıqtı qorğaydı», «Policiya halıqpen birge» dep wrandadı. Alayda, policiya qızmetkerleri alañ janına toptasqan adamdardı arnayı kölikterge küştep  otırğızıp jattı.

"Policiya halıqpen birge". Foto: QT.

Bwdan keyin narazı top Äliya Moldaqwlova men Mänşük Mämetovanıñ eskertkişi aldına jinalıp, «Boykot» dep wrandadı. Eskertkiş aldına jüreley otırğan toptı taratuğa policiya küşterinen bölek arnayı jasaq sarbazdarı men işki äskerler de jwmıldırıldı.

"Policiya halıqtı köteredi". Foto: QT.

Esteriñizge sala keteyik, osıdan bir kün bwrın Qazaqstanda tıyım salınğan QDT basşısı Mwhtar Äbiläzov 9-10 mausım künderi halıqtı akciyasına şaqırğan bolatın.  

"Policiya halıqtı köteredi". Foto: QT.

Foto: QT.

“The Qazaq Times”