Foto: alpha.keepo.me ölim aldındağı körinister

Kündelikti ömirde "janım közime körindi" nemese "bar ömirim köz aldımnan sırğıp ötti" degen tirkesterdi basımızdan ötken qorqınışı, qaterli jağıdaylardı sipattağanda qoldanıp jatamız. Jäne şın ölim aldında adamnıñ ötken ömiri közine körinetindigi jaylı da talay estigen bolarsız. Endi bwl qwbılıs jaylı ğılımda ne aytılğan jäne ol qalay boladı? 

Adamnıñ közine bar ötken ömiriniñ körinui şınımen bolatın qwbılıs ekendigin ğalımdar däleldep otır. Adamnıñ miına belgili bir qauip turalı habar kelgende nemese klinikalıq ölim kezinde miğa jazılğan barlıq aqparat körinedi. Bwl zertteu nätijelerin izrail'dik ğalımdar Consciousness and Cognition basılımında jariyalağan.

"Hadassa" attı ierusalimdik emhanada atalmış qwbılıstı tolıqqandı zertteu üşin qarapayım adamdardıñ bastarınan ötken klinikalıq ölimder men ajaldan aman qalğan 7 jağıday alınıp otır.

Bwl sätti  basınan ötkergenderdiñ barlığınıñ aytuına qarağanda, ötken jağıdaylar belgili bir uaqıt ayasına säykes kelmeydi jäne sol sätte  bolğan oqiğağa qatısqan adamdardıñ barlığınıñ sezimderin sezine aladı eken.

Gipoksiya äserinen tuındaytın tüs sekildi körinister - adamnıñ este saqtau qabiletine jauap beretin mi bölikterindegi qannıñ älsiz aynalımınan tuındaydı. Sonımen qatar, bwl körinister dejavyu men qarapayım estelikterge wqsas keledi.

Midıñ ölui. Foto: svetnsk.ru

Mamandardıñ twjırımdamasına säykes, ölim aldında nemese klinikalıq ölim kezinde adamnıñ köz aldınan barlıq ömiriniñ ötui - sau psihikağa tän neyrokognitivti mehanizmniñ şoğırlanğan  variaciyası äserinen bolatın qwbılıs eken. 

Öler aldındağı adamnıñ ösiet aytatını da ötken ömirniñ bar kartinası köz aldına kelgesin jaqındarına soñğı isterin tapsıratın boluı kerek. Qalay desekte ajaldıñ tüsi appaq äri jap jarıq boladı degen tüsinikti joqqa şığara almaymız. Äuelde qap-qarañğı tünekke jol alğan jan köz qaratpas jarıqqa erip ketedi deydi ğılımda. Sol ajalğa aparar aq jarıq bälkim ötken ömirdiñ jarqın kartinası sekundına neşe miliard kadr bolıp zaulap öte şıqqandağı jarıq boluı mümkin.

“The Qazaq Times”