Foto: camonitor.kz (3 mausım, 2019 jıl)

Qazaqstan prezidenti Qasım-Jomart Toqaev Nwr-Swltandağı analar narazılığına qatıstı mälimdeme jasap, atalğan mäseleniñ 4 mausımda qaralatının ayttı.

Prezident öziniñ Twitter-inde: «Meniñ tapsırmam boyınşa Prezident Äkimşiliginiñ basşısı B.Sağıntaev pen Ükimet müşeleri köpbalalı analarmen kezdesti. Köterilgen mäseleler erteñ jwmıs tobınıñ ayasında qaraladı. Problemalardı zañğa säykes, iskerlik jağdayda şeşu qajet. Meniñ tapsırmam boyınşa Prezident Äkimşiliginiñ basşısı B.Sağıntaev pen Ükimet müşeleri köpbalalı analarmen kezdesti. Köterilgen mäseleler erteñ jwmıs tobınıñ ayasında qaraladı. Problemalardı zañğa säykes, iskerlik jağdayda şeşu qajet», – dep mälimdedi.

Eske sala keteyik, 3 mausımda Nwr-Swltanda ondağan ana Aqorda men ükimet üyi aldına jinalıp, bilikten baspana mäselesin şeşudi swradı. «Äkim men ministrdiñ uädesinen şarşağanın» aytqan analar Qazaqstan prezidenti Qasım-Jomart Toqaev pen prem'er-ministr Asqar Maminniñ şığuın talap etti. Keyinnen Narazı äyelderge prem'er-ministrdiñ birinşi orınbasarı Gülşara Äbdihalıqova, eñbek jäne halıqtı äleumettik qorğau ministri Berdibek Saparbaev jäne Nwr-Swltan äkimi Baqıt Swltanov şığıp, sabırğa şaqırğan. Biraq bilikten baspana talap etken analar sol mañnan ketpey otırıp alğan. Keyin olarğa Baqıtjan Sağıntaev şığıp, olardı Ükimet üyine alıp kirip, şağımın tıñdağan.

"The Qazaq Times"