توقاەۆ كوپبالالى انالاردىڭ نارازىلىعىنا قاتىستى مالىمدەمە جاسادى

قازاقستان پرەزيدەنتى قاسىم-جومارت توقاەۆ نۇر-سۇلتانداعى انالار نارازىلىعىنا قاتىستى مالىمدەمە جاساپ، اتالعان ماسەلەنىڭ 4 ماۋسىمدا قارالاتىنىن ايتتى.

پرەزيدەنت ءوزىنىڭ Twitter-ىندە: «مەنىڭ تاپسىرمام بويىنشا پرەزيدەنت اكىمشىلىگىنىڭ باسشىسى ب.ساعىنتاەۆ پەن ۇكىمەت مۇشەلەرى كوپبالالى انالارمەن كەزدەستى. كوتەرىلگەن ماسەلەلەر ەرتەڭ جۇمىس توبىنىڭ اياسىندا قارالادى. پروبلەمالاردى زاڭعا سايكەس، ىسكەرلىك جاعدايدا شەشۋ قاجەت. مەنىڭ تاپسىرمام بويىنشا پرەزيدەنت اكىمشىلىگىنىڭ باسشىسى ب.ساعىنتاەۆ پەن ۇكىمەت مۇشەلەرى كوپبالالى انالارمەن كەزدەستى. كوتەرىلگەن ماسەلەلەر ەرتەڭ جۇمىس توبىنىڭ اياسىندا قارالادى. پروبلەمالاردى زاڭعا سايكەس، ىسكەرلىك جاعدايدا شەشۋ قاجەت»، – دەپ مالىمدەدى.

ەسكە سالا كەتەيىك، 3 ماۋسىمدا نۇر-سۇلتاندا ونداعان انا اقوردا مەن ۇكىمەت ءۇيى الدىنا جينالىپ، بيلىكتەن باسپانا ماسەلەسىن شەشۋدى سۇرادى. «اكىم مەن ءمينيستردىڭ ۋادەسىنەن شارشاعانىن» ايتقان انالار قازاقستان پرەزيدەنتى قاسىم-جومارت توقاەۆ پەن پرەمەر-مينيستر اسقار ءماميننىڭ شىعۋىن تالاپ ەتتى. كەيىننەن نارازى ايەلدەرگە پرەمەر-ءمينيستردىڭ ءبىرىنشى ورىنباسارى گۇلشارا ابدىحالىقوۆا، ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ جانە نۇر-سۇلتان اكىمى باقىت سۇلتانوۆ شىعىپ، سابىرعا شاقىرعان. بىراق بيلىكتەن باسپانا تالاپ ەتكەن انالار سول ماڭنان كەتپەي وتىرىپ العان. كەيىن ولارعا باقىتجان ساعىنتاەۆ شىعىپ، ولاردى ۇكىمەت ۇيىنە الىپ كىرىپ، شاعىمىن تىڭداعان.

"The Qazaq Times"