Qazaqstanda atom elektr stanciyasın saluğa Reseyden özge kimder müddeli?

Qazaqstanstan aumağında atom elektr stanciyasın saluğa baylanıstı tenderge Reseyden özge AQŞ, Oñtüstik Koreya, Qıtay jäne Japoniya men Franciyanıñ birlesken konsorciumderi qatısuda. Tender jeñimpazdarı 2019 jıldıñ qırküyek ayında belgili boladı.

BussinesKorea basılımınıñ dereginşe, 31 mamır küni Oñtüstik Koreyanıñ «Korea Hydro & Nuclear Power (KHNP)» memlekettik kompaniyası Qazaqstanda eki birdey atom elektr stanciyasın saluğa müddeli ekendigin mälimdegen. KHNP tenderge qatısatındığın aytıp, Qazaqstan tarapına AES qwrılısına qatıstı qwjattarın tapsırğan.

Esteriñizge salayıq, Resey basşısı Vladimir Putin Qazaqstan prezidenti Qasım-Jomart Toqaevtıñ Mäskeuge jasağan saparı kezinde Aqordağa el aumağında AES saluğa baylanıstı wsınıs jasağan. Bwl qazaq qoğamında qızu talqılanıp, birqatar azamattıq belsendiler men sayasatkerler Resey prezidentiniñ wsınısına qarsı şıqqan. Keyinnen energetika ministri Qanat Bozımbaev AES saluda halıqtıñ talap-tilegi eskeriletindigin aytqan.

"The Qazaq Times"