Bilderberg klubına naqtı kimderdiñ müşe ekeni de anıq emes. Foto: YouTube.

«Älemdi şeñgeline wstap twrğan» 130 adam Şveycariyada bas qostı. Jiınğa älemniñ biznes, finans jäne aqparat salasınıñ eñ joğarı ökilderi jinalğan. 4 künge sozılatın jinalısqa birde-bir jurnalist kirgizilmegen. Sondıqtan, onda ne turalı äñgime bolğanın, ne taqırıpta ötkenin eşbir aqparat qwraldarı tarata almaydı.  

Bwl qwpiya bas qosu –  tanımal äri talastı da sırlı Bilderberg klubınıñ (Bilderberg Group) jinalısı. Onıñ jäne «Dünie elitası» degen de atı bar. Arasında Tramptıñ küyeu balası Jared Kuşner, Google kompaniyasıñ törağası Erik Şmidt, Microsoft kompaniyasınıñ Sat'ya Nadella jäne AQŞ-tıñ bwrınğı mem. hatşısı Genri Kissinjer qatarlı tanımal twlğalar da bar. Özge elderdiñ joğarı lauazımdıları, «dollarbayları» da şaqırılmağan. Sonday-aq, tanımal iskerlerge ğana arnalmağan.

Bilderberg jinalısı ötip jatqan Şveyraciya qonaq üyi. Foto: Inverse.

Qaşan qwrılğan edi?

Atalğan toptıñ alğaşqı jiını 1954 jılı bolğan. Biraq, ol twsta AQŞ pen Europa qarım-qatınasın retke keltirip, Üşinşi düniejüzilik soğıstı boldırmau mäselesi talqılanğan eken. Sonıñ özinde wyımnıñ tüzimi men onıñ joba-josparları, aytılğan äñgimeleri mülde qwpiya wstaladı. Olardıñ jiındarına qatısqan birde-bir jurnalist bolğan emes. Eñ qızığı wyımnıñ arnayı saytı bar, biraq odan qanday da bir mälimet alu mümkin emes. 30 jıldan beri jañartılmağan saytqa wqsas deuge boladı.

Dey twrğanmen, bwl sırlı wyım jurnalisterdi özinek köbirek baurağan. Klub turalı qwpiyanı aşu üşin az bolmağan jurnalister at terletip köripti. Alayda, är retki jiındarına twmsığın da swğa almay, talayınıñ tauı şağılğan. Bar tapqan tabısı – jiın ötip jatqan jerdi sırtınan tüsirgen birneşe parşa suretter ğana bolğan eken.  Sonıñ özinde jurnalis Jon Ronson öziniñ zertteuleri nätijesinde «Olar» attı kitap jariya etken. Atalğan eñbeginde ol 1970 jıldarı Britaniyanıñ qorğanıs ministri bolğan Denis Hilidi wyımdı qwruşılardıñ biri dep körsetedi. Hilimen swhbattasqan Ronson onıñ wyım turalı «älem üşin eñ paydalı jiın» degen bağasın quattaydı.

Bilderberg klubınıñ ıqpalı

Bwl klub turalı älem aqparat keñistiginde naqtı tiyanaq joq. Biraq, älem elderiniñ ülken sayasat arenasında asa ıqpaldı ekeni belgili. Aytalıq, 1991 jılı Bill Klinton osı jiınğı şaqırıldı. Al, sonıñ kelesi jılı ol Amerika Qwrama Ştattarınıñ 41-şi prezidenti bolıp saylanğan. 1993 jılı atalğan bas qosuğa qatısqan Toni Bler bir jıldan keyin özi müşe bolğan partiyanıñ basşısı bolsa, 3 jıldan keyin Britaniyanıñ prem'er-ministri bolıp biraq şıqqan.

Toni Bler Britaniyanıñ prem'r-ministrliginen keyin Nazarbaevtıñ keñesşisi bolğan. Foto: Radio Azattık.

Bilderberg klubı dünie elitasınıñ eñ mañızdı mäselelerin talqılaytın platforma qatarında aytılıp keledi. Alayda, bwğan sın aytuşılar qatarı köp. Olar atalğan klub müşeleri tek bir-biriniñ jeke müddeleri üşin kömek berip, älemdik demokratiyanıñ ornığuına keri äser etip otır dep sınaydı. Tipti, jahandıq finanıs dağdarısın da atalğan klub müşeleri arnayı wyımdastırğan dep qaraydı. Tipti, amerikalıq tanımal tele-jürgizuşi Aleks Jounzdiñ Bilderberg klubı turalı: «Sizder özderiñizdiñ tasbauır ekenderiñizdi bilesizder me? Sizder bwzıq ekenderiñizdi bilesizder me? Sizderdiñ küş-quattarıñız üşin biz eriksiz sıylaymız», – degen pikiri bar.

Bilderbergti qoldauşılar da köptep kezdesedi. Olardıñ pikirine sener bolsaq, «Dünie elitası» osınday jinalısta bükpesiz äñgimelesip, barlıq sırdı ortağa salıp, şeşu joldarın talqılaydı dep qaraydı.

Bilderberg klubınıñ ıqpalı Düniejüzi ekonomikalıq forumında köbirek bayqaladı. Közdegen maqsattarı turalı da ärkim ärtürli pikirler aytadı. Keybir sarapşılar onıñ bastı maqsatı Batıs kapitalizmin, erkin sauda ideyasın jäne Batıs müddesin älemge taratuğa tırısadı dese, keybiri Bildenberg Europa birligin köbirek qoldap, AQŞ-tıñ müddesi men erkindigin şektegisi keledi dep qauiptenedi. Al, endi bir közqarastağılar klub erkin sauda arqılı aşınğan oñşıldardı bilikke alıp keluge äreket etedi dep sanaydı.

Bwl jinalıstı bwğan deyin de añız bolıp aytılıp jüretin, «älemdi şeñgeldep otırğan» äuletter, «Mason», «Sion» qatarlı mistika men qwpiya aralasqan toptarmen baylanıstıratındar da bar.