foto: Euronews

Europanıñ evrey köşbasşıları Islandiyada er balalardı sündetke otırğızuğa tıyım salu turalı zañ jobasın qwptamadı. Jaqın arada Islandiya parlamentinde atalğan zañ jobasınıñ "qañqası" äzirlenbek. Bwl iudaizmge qarsı äreket bolıp sanaladı, - dep habarlaydı Euronews aqparat agenttigi.

Er balalardı sündetke otırğızuğa tıyım salatın zañ jobasın jergilikti partiya ökili Sil'ya Degg Gunnarsdottir  (Silja Dögg Gunnarsdóttir ) wsındı, birneşe islandiyalıq sayasatkerler onı qolday ketti.

Qızdardı sündetke otırğızbau turalı zañ elde 2005 jılı qabıldanıp qoyğan, al er balalarğa qatıstı sonday zañ joq, - deydi Sil'ya Degg.

Wsınılğan zañ jobası "balanıñ jınıs müşesiniñ böligin nemese tolıqtay alıp tastağan" adamğa 6 jılğa bas bostandığınan ayıru jazasın qoldanudı wsınadı.

Biraq dini köşbasşılar - evrey jäne katolik qauımdastığınıñ ökilderi bwl jospardı sınğa aldı.

Skandinaviyalıq elderdegi evrey qauımdastıqtarı: "bwl zañ qabıldansa, bauırlarımızğa Islandiyada qonıstanuına jol bermeymiz. Islandiya evrey dästüriniñ eñ mañızdı ädet-ğwrpına zañdıq negizde tıyım salatın jalğız el atanbaq. Iudaizmdi de, dini ädet-ğwrıptarımızdı da tübegeyli joyuğa tırısqandar evreyler tarihında ärqaşan bolğan. Bwl hattı Islandiyanıñ işki şaruasına aralasu dep tüsinbeñizder. Bwl zañ jobası bükil älemdegi evreylerge qatısı bar iudaizmge qarsı äreket ekenin aytqımız keledi. Älemde qanday da bir memleket öziniñ aumağında hristian dinin wstanatındar twrmağan künniñ özinde hristian dinindegi negizgi meyramdı toylauğa tıyım salsa, älemniñ tükpir-tükpirindegi hristandar däl osılay äreket etetinine senimdimiz", - dep otır.

Gunnarsdottirdiñ aytuınşa, Islandiyada islam men iudaizmdi wstanatın halıq onday köp emes, biraq uaqıt öte kele olardıñ sanı jıldam ösip kele jatır. Sonımen qatar onıñ oyınşa, dini negizde er balalardı sündetke otırğızu bolğanğa deyin onı eşkim bilmegen de körinedi.

"Biz bar bolğanı balalardıñ qwqığın qorğağımız keledi. Är adam tañdauın özi jasau kerek. Elimizde, mısalı, kim qanday din wstanam dese de, oğan eşqanday şekteu joq qoy. Biraq äñgime üşinşi tarapqa qatıstı bolğanda sizdiñ dini közqarasıñız mañızdı bolmau kerek. Sol siyaqtı büldirşinder de öz tañdauların eseygen şağında jasau kerek", - deydi parlament müşesi Sil'ya Degg Gunnarsdottir.

Gunnarsdottir skandinaviyalıq 5 eldiñ ombudsmenderiniñ wsınısına säykes äreket etip jatqanın ayttı. Olar 2013 jılı "barlıq medicinalıq körsetkişter eskerilmey, şınayı kelisimge kelmey balanı sündetke otırğızu birinşiden medicinalıq etikağa say kelmeydi. Ekinşiden, bwl operaciya ornı tolmaytın, öte auır saldarğa äkelu mümkin" degen bolatın.

“The Qazaq Times”