Körneki suret. Foto: https://vlast.kz

Qazqastannıñ twñğış prezidenti N.Nazarbaev astanadağı Nazarbaev universiteti tülekterine diplom tabıstap, «Bizdiñ buın qoldan kelgenniñ bärin jasadı dep ayta alamın» – dedi.

Nazarbaev sözinde: «Sizder Qazaqstannan kelgenderiñizdi aytsañızdar – şetelde sizderdi jılı qabıldaytın bolar. Solay ma!? Mine, biz osını közdedik. Qanday joldı tañdasañızdar da - jarqın jol tileymiz. Qazaqstan - ärdayım damıp kele jatqan el. Biz öz täuelsizdigimizdiñ 28 jıldıq belesine ayaq bastıq. Bılay qarasañ, tarih üşin tım qısqa uaqıt. Biraq, ötken joldı saraptap, qiındıqtardı eñseru dañğılına qarasaq - bizdiñ sarapşılar osı 28 jıldı 100 jılmen salıstıradı. Solay da şığar. Sebebi, qazaqtar men Qazaqstannıñ bwrınğı tarihın soñğı 28 jıldıq kezeñmen salıstırar bolsaq, şınında da, orasan zor eñbek etkenimizdi bayqaymız», – dep, qazaq halqınıñ bwrın-soñdı osınday ömir sürmegenine kezekti märte toqtalıp ötti.

Ayta keteyik, Nazarbaev universitetinde saltanattı türde V oqu bitiru räsimi ötip jatır. Biıl atalğan universitetten 565 bakalavr, 378 magistr, 14-i medicina doktorı jäne doktorantura bağdarlaması boyınşa 6 student oqu bitirgen.

"The Qazaq Times"