Japoniya ükimeti prem'er-ministri Şinzo Abe men Soltüstik Koreya basşısı Kim Joñ Un arasında kezdesu wyımdastıru turalı wsınıs joldamaq. Bwl turalı Japoniyanıñ  Kyodo aqparattıq agenttigi habarlağan bolatın.

Habarğa qarağanda, Şinzo Abe (ors. – Abe Sindzo) men Kim Joñ Un (ors. – Kim Çen In) arasındağı sammitti aldağı aptada Moñğoliya astanası Wlan-Batırda ötetin  Soltüstik Aziya qauipsizdik dialogı barısında wyımdastıru josparlanuda. Japoniya mene KHDR liderleri arasındağı sammitti josparlau üşin Japoniyanıñ Sırtqı ister ministrligine qarastı Aziya jäne Tınıq mwhit qarım-qatınastar byurosı arnayı delegaciya attandırmaq.

Japoniya men Soltüstik Koreya arasında diplomatiyalıq qarım-qatınas ornatılmağandıqtan, eki el lideriniñ sammiti halıqaralıq konferenciya twsında ötkizu qarastırıluda. Mamır ayınıñ bas şeninde Japoniyanıñ bas uäziri Şinzo Abe Soltüstik Koreya basşısımen dialog ötkizuge dayın ekenin jetkizgen bolatın.

“The Qazaq Times”