جاپونيا مەن سولتۇستىك كورەيا باسشىلارى موڭعوليادا كەزدەسۋى مۇمكىن

جاپونيا ۇكىمەتى پرەمەر-ءمينيسترى شينزو ابە مەن سولتۇستىك كورەيا باسشىسى كيم جوڭ ۋن اراسىندا كەزدەسۋ ۇيىمداستىرۋ تۋرالى ۇسىنىس جولداماق. بۇل تۋرالى جاپونيانىڭ  Kyodo اقپاراتتىق اگەنتتىگى حابارلاعان بولاتىن.

حابارعا قاراعاندا، شينزو ابە (ورس. – ابە سيندزو) مەن كيم جوڭ ۋن (ورس. – كيم چەن ىن) اراسىنداعى ءسامميتتى الداعى اپتادا موڭعوليا استاناسى ۇلان-باتىردا وتەتىن  سولتۇستىك ازيا قاۋىپسىزدىك ديالوگى بارىسىندا ۇيىمداستىرۋ جوسپارلانۋدا. جاپونيا مەنە كحدر ليدەرلەرى اراسىنداعى ءسامميتتى جوسپارلاۋ ءۇشىن جاپونيانىڭ سىرتقى ىستەر مينيسترلىگىنە قاراستى ازيا جانە تىنىق مۇحيت قارىم-قاتىناستار بيۋروسى ارنايى دەلەگاتسيا اتتاندىرماق.

جاپونيا مەن سولتۇستىك كورەيا اراسىندا ديپلوماتيالىق قارىم-قاتىناس ورناتىلماعاندىقتان، ەكى ەل ليدەرىنىڭ ءسامميتى حالىقارالىق كونفەرەنتسيا تۇسىندا وتكىزۋ قاراستىرىلۋدا. مامىر ايىنىڭ باس شەنىندە جاپونيانىڭ باس ءۋازىرى شينزو ابە سولتۇستىك كورەيا باسشىسىمەن ديالوگ وتكىزۋگە دايىن ەكەنىن جەتكىزگەن بولاتىن.

“The Qazaq Times”