Franciyada Europarlament saylauında Le Pen partiyası alda keledi.

Mamır ayınıñ 26-ı küni "Elabe" kompaniyası jürgizgen exit poll qorıtındısı boyınşa, Marin Le Pen basqaratın "Wlttıq birlestik" partiyası köş bastap keledi. Halıqtıñ 52 payızı qatısqan saylauda, Le Pen partiyası 23,6 payız dauıs alğan.

Prezident Emmanuel' Makronnıñ "Marştağı Respublika" partiyası 22,4 payızben ekinşi orında keledi. Üşinşi orınğa eşkim kütpegen solşıl-radikaldıq "Europa-ekologiya-jasıldar" partiyası ornalastı. Olar saylauşılardıñ 12,9 payız dauısın alğan. Törtinşi jäne besinşi orındarda respublikalıqtar men socialister partiyaları. Olar öz kezeginde saylauşılardıñ 8,4 jäne 6,3% dauıstarın alğan. Qalğan partiyalar Europarlamentke baruğa mümkindik beretin 5 payızdıq mejeden asa almağan.

Esteriñizge salayıq, Euroodaq elderinde mamır ayınıñ 23-i men 26-ı künderi aralığında Parlament saylauı ötken. Saylauğa EO halqınıñ 50% qatısqan. Bwl soñğı 20 jılda bolmağan körsetkiş.

"The Qazaq Times"