«Italiya ükimeti Qıtay sındı demokratiyalı emes eldiñ mañızdı aqparatqa qol jetkizuin boldırmauı kerek». Bwnday pikirdi Italiyanıñ vice-prem'er ministri Salvini düysenbi küni jasağan mälimdemesinde ortağa saldı.

Italiyanıñ «Al'yans» partiyasınıñ Salvini sol eldegi memlekettik telearnağa bergen swhbatında Qıtaydı «demokratiyalıq el emes, imperializm nemese qatañ baqılaudıñ qanday da bir türindegi» el dep bağalağan. Ol swhbatında AQŞ-tıñ qıtaylıq Huawei kompaniyasın tıñşılıqpen ayıptauına qatıstı swraqqa jauap berip: «Italiyalıqtar turalı qwpiya aqparattar italiyalıqtardıñ ğana qolında boluı kerek» – degen.

Bwğan deyin Italiya Qıtaydıñ «Bir beldeu, bir jol» bağdarlamasın alğaş ret qoldağan europalıq el bolıp edi. Bwl turalı pikirin swrağanda Salvini özi basqarıp otırğan «Al'yans» partiyasınıñ pikiri bilik partiyasımen birdey emes ekenin aytqan. Ol bwğan deyin de wlttıq qauipsizdik twrğısınan mañızdı jelilerge Qıtay tehnologiyaların kirgizbeu turalı birneşe ret pikir bildirgen. Onıñ Qıtay investiciyası turalı pikiri de eldiñ prem'er-ministrimen ortaq emes.

“The Qazaq Times”