سالۆيني قىتايدى يمپەرياليستىك ەل رەتىندە باعالادى. فوتو: VOA

«يتاليا ۇكىمەتى قىتاي سىندى دەموكراتيالى ەمەس ەلدىڭ ماڭىزدى اقپاراتقا قول جەتكىزۋىن بولدىرماۋى كەرەك». بۇنداي پىكىردى يتاليانىڭ ۆيتسە-پرەمەر ءمينيسترى سالۆيني دۇيسەنبى كۇنى جاساعان مالىمدەمەسىندە ورتاعا سالدى.

يتاليانىڭ «اليانس» پارتياسىنىڭ سالۆيني سول ەلدەگى مەملەكەتتىك تەلەارناعا بەرگەن سۇحباتىندا قىتايدى «دەموكراتيالىق ەل ەمەس، يمپەرياليزم نەمەسە قاتاڭ باقىلاۋدىڭ قانداي دا ءبىر تۇرىندەگى» ەل دەپ باعالاعان. ول سۇحباتىندا اقش-تىڭ قىتايلىق Huawei كومپانياسىن تىڭشىلىقپەن ايىپتاۋىنا قاتىستى سۇراققا جاۋاپ بەرىپ: «يتاليالىقتار تۋرالى قۇپيا اقپاراتتار يتاليالىقتاردىڭ عانا قولىندا بولۋى كەرەك» – دەگەن.

بۇعان دەيىن يتاليا قىتايدىڭ «ءبىر بەلدەۋ، ءبىر جول» باعدارلاماسىن العاش رەت قولداعان ەۋروپالىق ەل بولىپ ەدى. بۇل تۋرالى پىكىرىن سۇراعاندا سالۆيني ءوزى باسقارىپ وتىرعان «اليانس» پارتياسىنىڭ پىكىرى بيلىك پارتياسىمەن بىردەي ەمەس ەكەنىن ايتقان. ول بۇعان دەيىن دە ۇلتتىق قاۋىپسىزدىك تۇرعىسىنان ماڭىزدى جەلىلەرگە قىتاي تەحنولوگيالارىن كىرگىزبەۋ تۋرالى بىرنەشە رەت پىكىر بىلدىرگەن. ونىڭ قىتاي ينۆەستيتسياسى تۋرالى پىكىرى دە ەلدىڭ پرەمەر-مينيسترىمەن ورتاق ەمەس.

“The Qazaq Times”