Foto: Zakon.kz

Bügingi tañda Ortalıq saylau komissiyası prezident saylauınıñ ötu barısın qadağalaytın 67 baqılauşını tirkegen. Bwl jöninde OSK müşesi Zäureş Baymoldina mälimdedi.

«6 mamır küni Ortalıq saylau komissiyası 45 baqılauşını tirkegen. Olardıñ 7-i TMD elderi missiyasınan, 22-i TMD ükimetaralıq assambleyasınan, 12-i EIWQ-nıñ (OBSE) saylaulardı baqılau missiyasınan, 4-i Islam äriptestigi wyımınan. Mamır ayınıñ 8-i küni sırtqı ister ministrliginiñ wsınısı boyınşa, EIWQ-nıñ saylaulardı baqılau missiyasınıñ 22-i baqılauşısı tirkeldi. Bügingi tañda prezident saylauınıñ ötu barısın qadağalauğa 67 baqılauşı akkreditaciyadan ötti. Bwl aqparat jiberilgen ötinişterge qaray tolıqtırılıp otıratın boladı» - dedi Baymoldina.

Foto: tengrinews.kz

11 mamır küni saylau aldı ügit-nasihat jwmıstarı bastaldı. Ol mausım ayınıñ 8-ine deyin jalğasadı. 8 mausım – tınıştıq küni.

Kezekten tıs prezident saylauı mausım ayınıñ 9-ı küni ötedi. Dauıstardı sanau saylau ayaqtalğannan keyin 12 sağat işinde jüzege asırıladı.

Biılğı kezekten tıs prezident saylauına 7 kandidat qatısuda.

"Nwr Otan" partiyası - Qasım-Jomart Toqaev.

"Wlt tağdırı" qozğalısı - Ämirjan Qosanov.

Qazaqstan käsipodaqtar federaciyası - Amangeldi Taspihov.

"Wlı dala qırandarı" qozğalısı - Sädibek Tügel.

"Aq jol" partiyası - Daniya Espaeva.

"Auıl" partiyası - Töleutay Raqımbekov.

Qazaqstan kommunistik halıq partiyası - Jambıl Ahmetbekov.

"The Qazaq Times"