Foto: Azattıq radiosı

QR Bas Prokurorınıñ orınbasarı B.Dembaevtiñ «Prokuratura turalı» Zañnıñ 31-babınıñ tärtibinde jasağan ündeui resmi prokuror.gov.kz saytında jariyalandı.

Ündeude «Äleumettik jeliler men messendjerlerde 9 mamırda zañsız mitingke qatısuğa ügitteude. Bas prokuratura bwdan bwrın osınday zañsız jariyalı akciyalar wyımdastırğanı jäne qatısqanı üşin jauaptılıqtı eskertken bolatın. Osığan baylanıstı mitingiler wyımdastırudıñ jäne ötkizudiñ zañdı tärtibin bwzuğa jol berilmeytinine nazar audaramız. Qwqıq bwzuşılıqqa kinäliler zañ aldında qatañ jauap beretin boladı. Qoğamdıq qauipsizdik pen qwqıqtıq tärtipti qamtamasız etu, sonday-aq azamattardıñ qwqıqtarı men bostandıqtarın qorğau maqsatında Bas prokuratura arandatuşılıqqa berilmeuge jäne memlekettiñ zañdarın bwzbauğa şaqıradı», – delingen. Sonımen qatar, Bas prokuratura «qwqıq bwzuşılıqqa kinäliler zañ aldında qatañ jauap beretin boladı» dep eskertti.

1 mamırda Qazaqstannıñ birneşe qalalarında bilikke qarsı narazılıq şaraları ötken bolatın. Narazı top «Bizdiñ öz tañdauımız bar!», «Nwr-Swltan astanamız emes!», «Halıq pikirimen sanasıñızdar», «Köp balalı analarğa järdem berilsin!», «Şındıqtan qaşıp qwtıla almaysıñ!» dep ayqayladı. Sonımen qatar, şeruge şıqqandar AES qwrılısınıñ jüzege aspauın talap etip, alda kele jatqan kezekten tıs prezidenttik saylauğa boykot jariyalağan. Sol küni İşki ister ministrligi mitingke şıqqan 80 adamnıñ wstalğanın habarladı. Wstalğandardıñ üstinen äkimşilik is qozğalıp, key azamattarğa «beybit jiın ötkizu tärtibin bwzdı» degen ayıppen 20AEK köleminde ayıppwl salınğan.

"The Qazaq Times"