Foto: https://gdb.rferl.org

Qalamqas ken ornındağı apatqa «Si Bu» qıtaylıq injenerli bwrğılau kompaniyası kinäli. Bwl turalı Industriya jäne infraqwrılımdıq damu ministrligi mälimdedi.

QR IIDM Industriyalıq damu jäne önerkäsiptik qauipsizdik komiteti törağasınıñ orınbasarı Nığmetjan Maqajanov: «Bwl fakti boınşa qılmıstıq is qozğalğan bolatın. Komissiyanıñ tekseru nätijeleri qwqıqqorğau organdarına jiberildi. Äkimşilik kodekske säykes, ayıptı kompaniyağa 100 mrp köleminde ayıppwl salınıp, äkimşilik öndirip alu jazası tağayındaladı. Si Bu kompaniyası qıtaylarğa tiesili»,– dep habarladı.

Apat sebepterin tekseru jwmıstarı barısında ayıptı kompaniya wñğımanı bwrğılau kezinde önerkäsiptik qauipsizdik talaptarın bwzğanı anıqtalğan. Anığıraq aytqanda, mwnay jäne gaz wñğımaların bekitu barısında cementtiñ qatayuın kütpesten wñğımanıñ sağası uaqıtınan bwrın germetizaciyalanğan. Saldarınan tehnogendik gazdıñ jinaluı sebepti su-gaz qospası atqılağan.

13 naurızda Qalamqas ken ornı örtke oranıp, tilsiz jau üş künde zorğa auızdıqtalğan edi. Apat sebepterin tergep tekseru nätijeleri qwqıq qorğau organdarına jiberilgen. Osığan deyin Energetika ministri Qanat Bozımbaev «Qalamqas» kenişindegi örtke baylanıstı: «Mümkin dwrıs cementtelmedi nemese karotaj jwmıstarı dwrıs jürgizilmedi. Qazir bastı mäsele örtti toqtatu. Meniñ birinşi orınbasarım (Mahambet Dosmwhambetov – red) qazir sol jerde jwmıs isteude. Bügin ştab şeşuşi mäselelerdi sol jerde qabıldaytın boladı. Videoda gaz, gaz-su qospası januda. Zardap şekkender joq. Ol jerde barlığı täjiribeli mwnayşılar ğoy. Eldi mekender alısta ornalasqan. Bwdan tragediya jasaudıñ qajeti joq. Anıqtaymız, kinäliler jauap beredi, ötemaqı tölenedi», – degen bolatın.

"The Qazaq Times"