Naruhito sert berip taqqa otırdı. Foto: REUTERS.

Japoniyada jaña imperator taqqa otırdı. Bwrınğı imperator 85 jastağı Akihito densaulığına baylanıstı taqtan bas tartatının jariyalağan bolatın. Bwl Japoniya tarihında 200 jıldan beri bolmağan.

2017 jılı Japoniyanıñ parlamenti imperatordıñ taqtan bas tartuına rwqsat beretin zañ jobasın maqwldağan bolatın. Japon patşası taqtan bas tartu turalı tilegin osıdan birneşe jıl bwrın bildirgen edi. Patşa tağına Akihitonı wlı Naruhito otırdı.

Iperator Akihito taqtan bas tarttı. Foto: REUTERS.

Japon jwrtınıñ zañına säykes, patşa otbasında sayasi bilik joq. Alayda, Japoniyanıñ el birligi men wlt twtastığınıñ simvolı retinde patşa otbasına ülken qwrmet körsetiledi. Halıq narazı bolğan jağdayda ükimetti de auıstıruğa qaqısı bar.

Akihito patşanıñ twsında japon halqı talay auır künderdi basınan ötkergen. Akihito sonıñ bärinde şapağatşıl, halıqşıl patşa retinde este qalğan. Seysenbi küni patşa äuletinde taqtan bas tartu jäne taqqa otıru saltanatı ötkizildi. Naruhito äkesinen «qasietti qanjardı» alıp, patşa äuletiniñ saltın saqtauğa jäne bwrınğı imperatordıñ jolın jalğauğa uäde berip taqqa otırdı.

“The Qazaq Times”