Foto: https://phototass

Aqtau portına Iran Islam Respublikasınıñ Äskeri-teñiz küşteriniñ jauıngerlik kemeleri keldi. Bwl turalı QR Qorğanıs ministrliginiñ baspasöz qızmeti habarladı.

Şamamen 450 teñiz mil' qaşıqtığın qwraytın irandıq «Separ», «Djuşan» keme ekipajdarın Aqtau teñiz portında QR Äskeri-teñiz küşteriniñ «Qazaqstan» zımırandıq-artilleriyalıq kemesi qarsı aldı.

Resmi habarlamada aytılğanday, QR Qarulı Küşteriniñ Äskeri-teñiz küşteri men Iran Islam Respublikası Armiyasınıñ Äskeri-teñiz küşteri özara täjiribe almasıp, sporttıñ är türi boyınşa jarıstarğa qatısadı. Keme ekipajdarınıñ ekskursiyaları bastaladı. Sonday-aq Iran Äskeri-teñiz küşteriniñ ekipajı Aqtaudıñ körikti jerleri men mädeni ob'ektilerin aralau josparlanğan.

2017 jılı qırküyekte QR Äskeri-teñiz küşteriniñ «Sarı-Arqa» jäne «Oral» zımırandıq-artilleriyalıq kemeleri Iran Islam Respublikasınıñ Bender-Enzeli portına bardı.

Ayta keteyik, qazirgi uaqıtta Qazaqstan men Iran arasında birneşe sauda-ekonomikalıq jäne äskeri kelisimder jüzege asıp keledi. 22 säuirde Qazaqstannıñ Irandağı elşisi Ashat Orazbay Gorgan oblısınıñ basşıları jäne sauda-ekonomika salasınıñ jetekşilerimen kezdesken bolatın. Kezdesu eki el arasındağı sauda-ekonomikalıq, transporttıq baylanıstardı damıtu maqsatında ötkizildi.

"The Qazaq Times"