فوتو: https://phototass

اقتاۋ پورتىنا يران يسلام رەسپۋبليكاسىنىڭ اسكەري-تەڭىز كۇشتەرىنىڭ جاۋىنگەرلىك كەمەلەرى كەلدى. بۇل تۋرالى قر قورعانىس مينيسترلىگىنىڭ ءباسپاسوز قىزمەتى حابارلادى.

شامامەن 450 تەڭىز ميل قاشىقتىعىن قۇرايتىن يراندىق «سەپار»، «دجۋشان» كەمە ەكيپاجدارىن اقتاۋ تەڭىز پورتىندا قر اسكەري-تەڭىز كۇشتەرىنىڭ «قازاقستان» زىمىراندىق-ارتيللەريالىق كەمەسى قارسى الدى.

رەسمي حابارلامادا ايتىلعانداي، قر قارۋلى كۇشتەرىنىڭ اسكەري-تەڭىز كۇشتەرى مەن يران يسلام رەسپۋبليكاسى ارمياسىنىڭ اسكەري-تەڭىز كۇشتەرى ءوزارا تاجىريبە الماسىپ، سپورتتىڭ ءار ءتۇرى بويىنشا جارىستارعا قاتىسادى. كەمە ەكيپاجدارىنىڭ ەكسكۋرسيالارى باستالادى. سونداي-اق يران اسكەري-تەڭىز كۇشتەرىنىڭ ەكيپاجى اقتاۋدىڭ كورىكتى جەرلەرى مەن مادەني وبەكتىلەرىن ارالاۋ جوسپارلانعان.

2017 جىلى قىركۇيەكتە قر اسكەري-تەڭىز كۇشتەرىنىڭ «سارى-ارقا» جانە «ورال» زىمىراندىق-ارتيللەريالىق كەمەلەرى يران يسلام رەسپۋبليكاسىنىڭ بەندەر-ەنزەلي پورتىنا باردى.

ايتا كەتەيىك، قازىرگى ۋاقىتتا قازاقستان مەن يران اراسىندا بىرنەشە ساۋدا-ەكونوميكالىق جانە اسكەري كەلىسىمدەر جۇزەگە اسىپ كەلەدى. 22 ساۋىردە قازاقستاننىڭ يرانداعى ەلشىسى اسحات ورازباي گورگان وبلىسىنىڭ باسشىلارى جانە ساۋدا-ەكونوميكا سالاسىنىڭ جەتەكشىلەرىمەن كەزدەسكەن بولاتىن. كەزدەسۋ ەكى ەل اراسىنداعى ساۋدا-ەكونوميكالىق، ترانسپورتتىق بايلانىستاردى دامىتۋ ماقساتىندا وتكىزىلدى.

"The Qazaq Times"