2 mausımda Almatıda skandinaviyalıq jüris boyınşa Nordic Walking Fest birinşi festivali ötpek. İs-şaranı qazaqstandıq sportşı, Olimpiada oyındarınıñ kümis jüldegeri Elena Hrustalevanıñ Olimpiadalıq qorı wyımdastıradı.

Atalğan şarağa qatıstı ötkizilgen baspasöz konferenciyasında jurnalist Andrey Kukuşkinniñ aytuınşa, festival'de sporttıq distanciya men korporativtik komandalardıñ ärbir qatısuşısı üşin uaqıt belgilenip, qozğalıstı sırttay töreşiler baqılaytın boladı. Mümkindigi şekteuli qatısuşılar festival'ge tirkelu jarnasınan bosatılğan. Sonday-aq, barlıq qatısuşılarğa maqtau qağazdarı men arnayı jüldeler tabıstaladı.

Qor direktorı, Vankuverdegi Olimpiada oyındarınıñ kümis jüldegeri Eena Hrustaleva: «Jalpı alğanda, Elena Hrustalevanıñ Olimpiadalıq qorın biz elimizdiñ dañqtı alpinisi Maqswt Jwmaevpen jäne fristayl boyınşa älem çempionı YUliya Galışevamen birlesip, sportşı jastardı qoldau, täjiribe almasu maqsatında qwrdıq. Osı rette wyımdastırılıp otırğan skandinaviyalıq jüris – öziñizdi jaqsı qalıpta wstauğa mümkindik beretin, barlıq jastağı adamdarğa arnalğan fitnestiñ ädemi türi. omırtqağa jaqsı äser etedi.Qan tamırları men jürek-qan tamırlarınıñ jwmısın jaqsartadı. Qarapayım jüristen bwl jüristiñ ayırmaşılığı öte köp. Bwl sportta  özin-özi bastan-ayaq qalıptı wstap, jüristiñ zañın bwzbağan jürginşi ğana artıq salmaqtan arılıp, jaqsı nätijege qol jetkize aladı. Almaty Nordic Walking Fest belsendi azamattardıñ köñilinen orın tabadı degen ümittemin», – dep atap ötti.

Almaty Nordic Walking Fest şarası Almatı qalasınıñ 2019 jıldağı sporttıq oqiğaları tiziminiñ küntizbesine engizildi. Almatı qalası sport basqarmasınıñ basşısı Rüstem Baytasov skandinaviyalıq jüristiñ qala jäne twrğındar üşin mañızına erekşe toqtaldı.

Festival'di ötkizu boyınşa seriktes Maksim Proşenko basqaratın «Euraziya» mektebi bolıp otır. Mektep mamandarı käsipqoy qazılıqtı wyımdastıruğa, jarıs qatısuşılarımen qaşıqtıqtan ötu uaqıtın ölşeuge, trassalardı böluge jwmıldırıladı. Sonımen qatar, arnayı şeberlik sabaqtarı men jattığular ötkiziledi.

Skandinaviyalıq jüris —  sporttıñ jaña türi. Bwl jürispen europalıqtardıñ äuestene bastağanına köp bolğan joq. 1990-jıldarı ğana Europağa keñinen tanıla bastadı. 2000 jılı Halıqaralıq skandinaviyalıq jüris odağında  tek qana üş memleket bolsa, qazir onıñ qatarı jiırmadan asadı. Odaqtıñ ştab-päteri fin qalası Vantada ornalasqan.

Ayta keteyik, skandinaviyalıq jüris boyınşa festival' 2 mausımda «Atakent» körme keşeniniñ alañında ötkiziledi. Qatısuğa ınta bildiruşiler www.nordicwalkingfest.kz arqılı onlay-tirkeuden öte aladı. Skandinaviyalıq jüris festivali aldağı uaqıtta Qırğızstan, Özbekstan sındı elder men Nwr-Swltan, Şımkent qalalarında ötkiziledi.

"The Qazaq Times"