Foto: https://pbs.twimg.com

AQŞ Ädilet ministrligi prokuror Robert Myullerdiñ Reseydiñ 2016 jılğı saylauğa aralasuı jaylı bayandamasın Kongreske tabıstadı.

Washington Post mälimetinşe, demokrattar qwjattağı derekterge senim bildirmey, prokuror Myullerdiñ konrgeske kelip esep beruin talap etti. Bas prokuror Uil'yam Barr şeşimdi qoldağanmen, Myuller resmi jauap qaytarğan joq. Al prezident Tramp «tergeudiñ qoldan jasalğanın jäne ülken jala jabuşılıq» ekenin ayttı.

Robert Myuller 2017 jıldan bastap Donal'd Tramptıñ saylau ştabı men reseylik bilik arasındağı kelisimdi zertteumen aynalısıp keledi. Onıñ oyınşa, prezident saylauı ädiletsiz ötken. Al Tramp Myullerdiñ äreketin «şaytan aulau» dep atağan bolatın. Osığan deyin Tramp öziniñ Twitter paraqşasında «Myuller – janjal tuğızudı janı süyetin adam, al tergeu – negizsiz jäne tükke twrğısız. Osı tergeuge atsalısıp jatqandar bizdiñ wlttı wyatqa qaldıruşılar!» –dep jazdı. Bwğan deyin Aq üyde ötken baspasöz mäslihatında Tramp: «Tergeuge salınğan milliondağan, milliardtağan dollarlar kökke wştı. Men tergeuşilerdiñ şalıs basqanına senimdimin, sebebi olar şaytan aulağıştar» – dep sınğa alğan.

Reseydiñ 2016 jılğı saylauğa aralasuı turalı tergeu osıdan eki jıl bwrın bastalğan. İs kezinde 34 adamğa ayıp tağıldı. Onıñ altauı prezident Tramp komandasında bolğandar. Biraq tergeu Reseydiñ AQŞ-tağı saylauğa aralasqanın däleldeytin ayğaq tappadı.

 

"The Qazaq Times"