ميۋللەردىڭ زەرتتەۋى كونگرەسكە تابىستالدى

اقش ادىلەت مينيسترلىگى پروكۋرور روبەرت ميۋللەردىڭ رەسەيدىڭ 2016 جىلعى سايلاۋعا ارالاسۋى جايلى بايانداماسىن كونگرەسكە تابىستادى.

Washington Post مالىمەتىنشە، دەموكراتتار قۇجاتتاعى دەرەكتەرگە سەنىم بىلدىرمەي، پروكۋرور ميۋللەردىڭ كونرگەسكە كەلىپ ەسەپ بەرۋىن تالاپ ەتتى. باس پروكۋرور ۋيليام بارر شەشىمدى قولداعانمەن، ميۋللەر رەسمي جاۋاپ قايتارعان جوق. ال پرەزيدەنت ترامپ «تەرگەۋدىڭ قولدان جاسالعانىن جانە ۇلكەن جالا جابۋشىلىق» ەكەنىن ايتتى.

روبەرت ميۋللەر 2017 جىلدان باستاپ دونالد ترامپتىڭ سايلاۋ شتابى مەن رەسەيلىك بيلىك اراسىنداعى كەلىسىمدى زەرتتەۋمەن اينالىسىپ كەلەدى. ونىڭ ويىنشا، پرەزيدەنت سايلاۋى ادىلەتسىز وتكەن. ال ترامپ ميۋللەردىڭ ارەكەتىن «شايتان اۋلاۋ» دەپ اتاعان بولاتىن. وسىعان دەيىن ترامپ ءوزىنىڭ Twitter پاراقشاسىندا «ميۋللەر – جانجال تۋعىزۋدى جانى سۇيەتىن ادام، ال تەرگەۋ – نەگىزسىز جانە تۇككە تۇرعىسىز. وسى تەرگەۋگە اتسالىسىپ جاتقاندار ءبىزدىڭ ۇلتتى ۇياتقا قالدىرۋشىلار!» –دەپ جازدى. بۇعان دەيىن اق ۇيدە وتكەن ءباسپاسوز ءماسليحاتىندا ترامپ: «تەرگەۋگە سالىنعان ميلليونداعان، ميللياردتاعان دوللارلار كوككە ۇشتى. مەن تەرگەۋشىلەردىڭ شالىس باسقانىنا سەنىمدىمىن، سەبەبى ولار شايتان اۋلاعىشتار» – دەپ سىنعا العان.

رەسەيدىڭ 2016 جىلعى سايلاۋعا ارالاسۋى تۋرالى تەرگەۋ وسىدان ەكى جىل بۇرىن باستالعان. ءىس كەزىندە 34 ادامعا ايىپ تاعىلدى. ونىڭ التاۋى پرەزيدەنت ترامپ كومانداسىندا بولعاندار. بىراق تەرگەۋ رەسەيدىڭ اقش-تاعى سايلاۋعا ارالاسقانىن دالەلدەيتىن ايعاق تاپپادى.

"The Qazaq Times"