Foto: https://cdn.iz.ru

25-26 säuirde Nwr-Swltanda Süriya mäselesi boyınşa joğarı deñgeydegi on ekinşi halıqaralıq kezdesu ötedi. Bwl turalı QR SİM habarladı.

Habarlamada aytılğanday, Nwr-Swltan formatında bwrın ötken süriyaaralıq kelissözderge wqsas, aldağı kezdesude Iran, Resey men Türkiya, Süriyanıñ ükimeti men qarulı oppoziciyası ökilderi, sonday-aq BWW men Iordaniyanıñ baqılauşılar deñgeyindegi delegaciyalar qatısadı. 25 säuirde Astana procesiniñ kepilger elderiniñ ekijaqtı jäne üşjaqtı konsul'taciyaları, sonday-aq bayqauşı taraptarınıñ ökilderimen kezdesuleri, al jalpı otırıs 26 säuirde ötedi.

Nwr-Swltan jinalısınıñ kün tärtibinde taraptar eñ äueli Süriyada qaqtığıssız aymaqtar qwru, sonday-aq sol aymaqtardıñ şekarası men kartası jayındağı kelisimdi qamtamasız etu, baqılau mehanizminiñ mindetterin belgileytin qwjattar men koordinaciya ortalığı reglamentin dayındau siyaqtı mañızdı jwmıstar jalğasın tabadı. Sonımen qatar, aldın ala kün tärtibine säykes, Süriya boyınşa konstituciyalıq komissiyanı qwru jäne iske qosu boyınşa jwmıstı ayaqtauğa basa nazar audara otırıp, sayasi procesti odan äri ilgerletu joldarın talqılau, sonday-aq Nwr-Swltan procesine jaña baqılauşı memleketterdiñ qosılu mäselesi qarastırıladı.

Bwdan bwrın Süriya beybitşilik kelissöziniñ törtinşi, besinşi kezeñderi de astanada ötken bolatın. Kezdesude Qazaqstan Süriya mäselesiniñ äskeri jolmen şeşilmeytinin, bwnı tek kelisimge kelu arqılı şeşuge bolatının jariya etip, älemdi birlikke şaqırğan edi.

"The Qazaq Times"