S-400 äue qorğanıs jüyesi. Foto: Aviation International News.

NATO-nıñ Parlamentarlar Assambleyasınıñ 99-şi seminarı Antaliyada ötti. Kezekti seminar otırısı wyımnıñ Jerorta teñizi men Tayau Şığıs mäselelerine qatıstı josparların talqığa salğan.

Seminar kezinde Türkiyanıñ reseylik S-400 äue qorğanıs jüyesin satıp aluı turalı da söz bolğan. Assambleya törayımı Madeleyn Mun Türkiyanıñ wyımdağı mañızdı rölin ayta kelip, äue qorğanısın qamtamasız etude jasap jatqan qadamdarın qoldaytının bildirgen.

Türkiyanıñ Reseyden äue qorğanıs qwrılğıların satıp aluı NATO-dağı odaqtası bolğan AQŞ-tıñ narazılığın tudırğan bolatın. AQŞ tarabı reseylik äue qorğanıs jüyesi NATO paydalanatın amerikalıq jäne europalıq äskeri wşaqtar men özge tehnikalarğa säykes kelmeytinin, bwl qorğanıs jüyesi F-35 wşaqtarı üşin de qauipti ekenin eskertken.

Türkiyanıñ bwl şeşimi üşin AQŞ F-35 jauıngerlik wşaqtarı men onıñ bölşekterin jetkizip berudi toqtatqan. Alayda, osınıñ özi Ankaranı alğan betinen qaytara almadı. Degenmen, Türkiyanıñ reseylik äue qorğanıs jüyesin paydalanuğa NATO müşeleri tolıqtay qarsı emes.

 “The Qqazaq Times”