Arab elderi arasından Birikken Arab Ämirligi F-35 wşaqtarına ie bolatın alğaşqı el bolmaq. Tramp ükimeti bilikti ötkizdip beruden bwrın BAÄ-niñ osı jönindegi ötinişin maqwldağan.

Älemdegi eñ ozıq soğıs wşağı sanalatın F-35-ti Qwrama Ştattar, Kanada, Britaniya, Türkiya sekildi elder birlesip öndiredi jäne onı tek sanaulı elder ğana paydalana aladı. Degenmen, Tramp ükimetiniñ twsında atalğan ozıq wşaqtardıñ paydalanu kölemi keñeygendey boldı. Solardıñ qatarında Birikken Arab Ämirliginiñ F-35 wşaqtarın satıp alu talabı AQŞ tarabınan maqwldandı.

Birikken Arab Ämirligi AQŞ-tıñ şığanaq mañındağı mañızdı odaqtastarınıñ biri sanalıp kelgen. Biraq, köp jıldar boyı AQŞ-tan F-35 wşaqtarın satıp alu ötinişin qanağattandıra almay kelgen. Bıltır BAÄ Izrail'men beybit qarım-qatınas ornatqannan keyin Qwrama Ştattarğa qoyğan bwl talabı orındalıp otır.

BAÄ-nıñ F-35 wşaqtarına qol jetkizui mümkin ekenin eki el ükimetterindegi senimdi aqparat közderine süyene otırıp Reyter agenttigi habarlağan bolatın. Habarğa qarağanda AQŞ tarabı bekitken sauda boyınşa BAÄ 50 F-35 wşağımen qosa 18 wşqışsız wşaqtardı satıp aladı.

Degenmen, sarapşılardıñ boljauınşa, kelisimdi mindetin jaña bastağan Bayden ükimeti qayta qarauı da mümkin.

“The Qazaq Times”