Körneki suret. Foto: http://mfa.gov.kz

Germaniya men Qazaqstannıñ ekijaqtı qatınastı damıtudağı jaña bağıttarı ükimetaralıq jwmıs tobınıñ Berlinde ötken XII otırısında talqılandı.

Basqosuda qos tarap sauda-ekonomikalıq, auılşaruaşılıq, kölik, turizm qatınastarına toqtalıp, cifrlandıru, bilim beru jäne energiyanı ünemdeu mäselelerin talqığa saldı. auıl tehnikasın qwrastıru zauıtın salu jobası.

Kezdesuge baylanıstı QR Sırtqı ister ministriniñ orınbasarı Ermek Köşerbaev: «Germaniyada bilim beru tegin. Bwl rette nemis ükimetimen tiisti kelisimge qol qoysaq degen oyımız bar. Qazirgi tañda bwl mäseleni qos eldiñ bilim beru ministrlikteri bizdiñ studentterdi sonda oqıtu mäselesin talqılap jatır. Eki eldiñ de qarım-qatınası jaña deñgeyge şıqtı. Osığan säykes eki el arasındağı ıntımaqtastıqtıñ jol kartası dayındalıp jatır. Qwjatta strategiyalıq mañızğa ie jol bağıttarı men tiisti jobalarğa qatıstı wsınıstar keltirilgen», – dep mälimdedi.

Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı.

"The Qazaq Times"