كورنەكى سۋرەت. فوتو: http://mfa.gov.kz

گەرمانيا مەن قازاقستاننىڭ ەكىجاقتى قاتىناستى دامىتۋداعى جاڭا باعىتتارى ۇكىمەتارالىق جۇمىس توبىنىڭ بەرليندە وتكەن XII وتىرىسىندا تالقىلاندى.

باسقوسۋدا قوس تاراپ ساۋدا-ەكونوميكالىق، اۋىلشارۋاشىلىق، كولىك، تۋريزم قاتىناستارىنا توقتالىپ، تسيفرلاندىرۋ، ءبىلىم بەرۋ جانە ەنەرگيانى ۇنەمدەۋ ماسەلەلەرىن تالقىعا سالدى. اۋىل تەحنيكاسىن قۇراستىرۋ زاۋىتىن سالۋ جوباسى.

كەزدەسۋگە بايلانىستى قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ: «گەرمانيادا ءبىلىم بەرۋ تەگىن. بۇل رەتتە نەمىس ۇكىمەتىمەن ءتيىستى كەلىسىمگە قول قويساق دەگەن ويىمىز بار. قازىرگى تاڭدا بۇل ماسەلەنى قوس ەلدىڭ ءبىلىم بەرۋ مينيسترلىكتەرى ءبىزدىڭ ستۋدەنتتەردى سوندا وقىتۋ ماسەلەسىن تالقىلاپ جاتىر. ەكى ەلدىڭ دە قارىم-قاتىناسى جاڭا دەڭگەيگە شىقتى. وسىعان سايكەس ەكى ەل اراسىنداعى ىنتىماقتاستىقتىڭ جول كارتاسى دايىندالىپ جاتىر. قۇجاتتا ستراتەگيالىق ماڭىزعا يە جول باعىتتارى مەن ءتيىستى جوبالارعا قاتىستى ۇسىنىستار كەلتىرىلگەن»، – دەپ مالىمدەدى.

گەرمانيا قازاقستاننىڭ ەڭ ءىرى ءۇش ساۋدا ارىپتەسىنىڭ قاتارىنا كىرەدى. 2017 جىلى شىلدەدە قازاقستان مەن گەرمانيا ىسكەرلىك كەڭەسىنىڭ وتىرىسىندا قۇنى 872 ملن ەۋروعا باعالاناتىن 21 كەلىسىمگە قول قويىلدى. ال بيىل 25 ناۋرىزدا گەرمانيا قارۋلى كۇشتەرىنىڭ اسكەري قيمىلداردى مودەلدەۋ جانە اسكەري مەديتسينا سالاسىندا تسيفرلىق مونيتورينگ جۇيەسىن پايدالانۋدى ۇيرەنۋ ماقساتىندا ارنايى جاساق بولىمشەلەرى اراسىندا تاجىريبە الماسۋ تۋرالى كەلىسىمدەرگە قول قويىلدى.

"The Qazaq Times"