Tramp Irannıñ resmi küşterin terrorlıq top qatarına qostı. Foto:Daily Express.

Bir kün bwrın AQŞ prezidenti jasağan mälimdemede, Irannıñ Islam revolyuciyası saqşılar korpusın halıqaralıq terrorlıq wyım retinde tanıldı. Bwl AQŞ-tıñ alğaş ret basqa memleketterdiñ resmi äskeri küşterin terrorlıq wyım retinde jariyalauı. Qwrama Ştat ükimeti Islam revolyuciyası saqşılar korpusın halıqaralıq terrorizmdi damıtuğa qoldauşı bolıp keledi dep qaraydı.

Islam revolyuciyası saqşılar korpusı 1979 jılı şah taqtan qwlağannan keyin qwrılğan. Negizgi maqsatı IIR rejimin qorğau jäne Irannıñ qarulı küşterimen birge eldiñ qauipsizdigin qamtamasız etu. Mälimetterge qarağanda, atalğan wyımnıñ 150 mıñ müşesi bar. Bwl korpustıñ özine tän äue, qwrlıq jäne teñiz küşteri bar. Barlau jäne arnayı qızmetke de ie.  

AQŞ-tıñ kezekti şeşimine qarsı Iran da ünsiz qalğan joq. Tehran (Tegeran) biligi AQŞ-tıñ Tayau-Şığıstağı äskeri kontingentin terrorlıq wyım qatarında tanitının jariyaladı. Bwğan deyin Qwrama Ştattardıñ sankciyası tek Islam revolyuciyası saqşılar korpusına qatıstı jeke twlğalarğa ğana qaratılıp kelgen. AQŞ memlekettik hatşısı Mayk Pompeo Iranğa qarsı sankciyalardıñ jalğasa beretinin ayttı. Ol jäne öziniñ äleumettik jelidegi paraqşasında Irandağı bostandıq añsağan azamattarğa qoldau körsetu kerek ekenin de aytqan.

Tehran men Uaşington arası Tramptıñ yadrolıq kelisimnen şığıp ketuinen keyin ala tayday bülingen. Atalğan Iran yadrolıq kelisimine («Ortaq qadam kelisimi»  dep te ataladı) 2015 jılı mausımda qol qoyılıp, 2016 jılı qañtardan bastap atqarılğan. Tramp 2018 jılı mamır ayında bwl kelisimnen şığıp ketti. Kelisimnen şığısımen AQŞ Iranğa bağıttalğan sankciyalardı qalpına keltirip, Irannıñ yadrolıq bağdarlamağa qatıstı äreketterine şekteu qoyğan. Al, Iran tarabı AQŞ-tıñ bwl äreketterin halıqaralıq kelisimdi bwzu dep ayıptağan. Öziniñ yadrolıq aymaqtarına BWW-nıñ baqılauşı inspektorların kirgizuge kelisken, alayda olar baqılau aldında yadrolıq aymaqtıñ rwqsatın alu şartın qoyğan.

AQŞ biligi Auğanstan, Süriya jäne Irak dağdarıstarın jauapkerşiligin Iranğa jauıp keledi. Islam revolyuciyası saqşılar korpusı osı elderge bülikşilerdi jiberip twradı dep ayıptaydı. Tramp biligi bwl wyımdı özderiniñ senimdi qarjı közderi arqılı dünie jüzine taralğan terrorlıq toptardı qarjılandırıp otıradı dep qaraydı.

Eñ qızığı, Tramptıñ bwl şeşimin AQŞ-tıñ eki partiyası teñdey qoldap jatqanı aytıladı.

“The Qazaq Times”