AQŞ vice-prezidenti Mayk Pens NATO-nıñ qwrılğanına 70 jıl toluına oray ötken jinalısta bayandama jasap, NATO-nıñ aldağı birneşe on jıldağı bastı problemalarınıñ biri – Qıtay qaupiniñ artuına qarsı küresu ekenin ayttı.

«Aldağı on jıldıqtarda NATO üşin eñ kürdeli mäsele – Qıtaydıñ arta tüsken qaupine qarsı beyimdelu, biz bwl mindet üşin retteu jasauımız kerek. Sebebi, Qıtaydıñ 5G jelilik tehnologiyası, «Bir bildeu, bir jol» bağdarlaması arqılı qamtamasız etilgen jelisi – bwlar bizdiñ europalıq odaqtastarımızdıñ kün sayın jwmıs isteytin mäselesi bolmaq», – dedi Mayk Pens sözinde.

Onıñ aytuınşa, Qıtaydıñ kün sanap artıp kele jatqan ıqpalı Amerika Qwrama Ştattarına energiya men resurstı köptep sarıp etuge itermeleydi. Sondıqtan, Europadağı odaqtastarı NATO-nıñ qorğanıs küşin saqtau üşin qazirgiden de köp resurstardı jwmıldıruğa tiis.

Mayk Pens bayandama jasauda. Foto: VOA

Pens bayandamasında «NATO-nıñ aldağı bastı probleması – Qıtaydıñ artıp kele jatqan ıqpalına qarsı küresu» degen oydı köbirek atap körsetken. Ol sonday-aq, Australiya, Japoniya, Singapur jäne Oñtüstik Koreya sekildi Ündi-Tınıq mwhitındağı AQŞ odaqtastarımen ıntımaqtastıqtı damıtqanı üşin NATO-dağı odaqtastarına alğısın da bildirgen.

«Biz NATO-dağı odaqtastarımız – Franciya jäne Wlıbritaniyanıñ Ündi-Tınıq mwhit aymağında tegin navigaciya men wşu jwmıstarın arttıru qadamdarın qoldaymız», – degen AQŞ vice-prezidenti.

Mayk Penstiñ Soltüstik Atlant Şartı wyımınıñ 70 jıldığında söylegen sözi Qwrama Ştattardıñ NATO-dağı odaqtastarın Ündi-Tınıq mwhitındağı bastı qarsılası Qıtayğa qarsı biriguge şaqırıp jatqanın anıq bayqattı.

“The Qazaq Times”