قىتاي باسشىسىنىڭ ەۋروپاداعى ساپارىنان كەيىن، ەۋروپا ەلدەرىندەگى قىتاي ەلشىلىكتەرى «ءبىر بەلدەۋ، ءبىر جول» باعدارلاماسى تۋرالى تالقى ماجىلىستەردى ۇيىمداستىرا باستادى.

بۇدان ءبىر اپتا بۇرىن قىتاي باسشىسى شي جينپيڭ يتاليا، موناكو جانە فرانتسيا قاتارلى ەلدەردە ساپارلاي بارىپ، قىتايدىڭ ەۋروپاداعى ساياسي-ەكونوميكالىق ىقپالىنىڭ ارتتىرۋعا تىرىسقان ەدى. قىتاي باسشىسىنىڭ ساپارى تۋرالى باتىستىق اقپارات قۇرالدارى ءتۇرلى ساراپتاۋلار جاسادى. الايدا، فرانتسياداعى جۇزدەسۋدەن كەيىن قىتاي باسشىسىنىڭ ماقساتى تولىق ىسكە اسپادى دەگەن پىكىرلەر كوپ بولدى.

دەگەنمەن وسى اپتادا ەۋروپاداعى قىتاي ەلشىلىكتەرى «ءبىر بەلدەۋ، ءبىر جول» باعدارلاماسى بويىنشا تالقى جيىندار وتكىزۋدە. اسىرەسە، قىتايدىڭ شىعىس جانە ورتالىق ەۋروپا ەلدەرىندەگى ەلشىلىكتەرى تارابىنان مۇنداي جۇمىستار قىزۋ جۇرىلۋدە. 3 ءساۋىر كۇنى سلوۆاكيادا قىتاي ەلشىلىگىنىڭ ۇيىمداستىرۋىمەن اتالعان مازمۇنداعى جينالىستار ءوتتى. سونىمەن قاتار، الداعى ۋاقىتتا كورشىلەس بىرقاتار ەۋروپالىق ەلدەردە جالعاستىرۋ كوزدەلگەن.

“The Qazaq Times”