S-400 ben F-35 dauı: AQŞ Türkiyamen kelisuge müddeli

AQŞ tarabı Türkiyamen qazirgi dağdarıstı kelissöz arqılı şeşuge tırıspaq. Bir kün bwrın AQŞ-tıñ joğarı äskeri şendisi osınday mälimdeme jasadı.

AQŞ Bas ştab basqarmasınıñ törağası Jozef Dunford atalğan mälimdemeni Oñtüstik Koreyanıñ qorğanıs ministrimen kezdesu kezinde jasağan. Kezdesuden keyin birlesken baspasöz mäjilisi kezinde Jozef Dunford jurnalisterdiñ AQŞ-Türkiya arasındağı mäsele turalı swraqtarına jauap bergen. Onıñ aytuınşa AQŞ-Türkiya arasındağı S-400 jäne F-35 dau-damayın Uaşington tarabı bütindey dağdarısqa aparğısı kelmeydi.

«Özderiñiz biletindey, S-400 jäne F-35 mäselesi öte kürdeli. Olardıñ bir-birine wqsamaytın jüyelerden twratını belgili. Biz Türkiyağa «Patriot» zımıran qorğanıs jüyesin wsınıp otırğanımız. Jalpı mäseleni kelissözde şeşuge tırısamız. Türkiyamen qalayda bir kelisimge keletinimizge senimdimiz», – dedi Dunford.

Äskeri qaru-jaraq saudası älemdegi kürdeli mäselelerdiñ biri. Eger bir el kimniñ äskeri tehnikasın paydalansa nemese satıp alsa, sol eldiñ qorğanıs salası ğana emes, twtas ekonomikası öndiruşi elge baylanıstı, tipti key jağdayda täueldi bola bastaydı. Bir tank satıp alğan el onıñ artınan tanktıñ tolıp jatqan bölşekterin de satıp aluına tura keledi. Sebebi, tehnikalardı jañartıp otıru asa mañızdı. Äsirese qorğanıs tehnikaları tınbay jañartılatın, nağız qarjınıñ tınbay talap etetin tetik. BWl rette AQŞ älemdi öziniñ ozıq tehnikalarımen qamdap qana otırğan joq, sol arqılı ekonomikasına da belgili därejede qol sala aladı.

Türkiyanıñ NATO nemese AQŞ pen dauı tım arıdan bastalğan. Bwl tek qorğanıs tehnikalarınıñ dauı emes, sonı betke wstağan tüpki müddelerdiñ dau-damayı deuge boladı.

“The Qazaq Times”