Qazaqstan men Qıtay qarım-qatınasına, äsirese, Sırtqı ister ministri Beybit Atamqwlovtıñ Beyjiñ saparına baylanıstı elimizdiñ bwqaralıq aqparat qwraldarında tarağan türli mälimetterge baylanıstı QR SİM tarabı resmi mälimdeme jasadı. Atalğan mälimdeme ministrliktiñ resmi saytında jariyalanğan.

Resmi mälimdeme bılay delingen:

Qazaqstan men Qıtay sırtqı sayasi vedomstvolarınıñ basşıları arasındağı kelissözderdiñ qorıtındısına qatıstı keybir BAQ-tardağı bwrmalau men bwrıs interpretaciyalarğa baylanıstı kelesi tüsindirmelerdi jasau mañızdı dep sanaymız.

Birinşiden. Qazaqstan Qıtaydı «üş zwlımdıqqa» - terrorizm, ekstremizm men separatizmge qarsı küreste ärdayım qoldap otır. Bwl türli eki jaqtı qwjattarda, onıñ işinde Qazaqstan Respublikası men Qıtay Halıq Respublikasınıñ 2018 jılğı 7 mausımda qol qoyılğan birlesken mälimdemesinde birneşe ret körsetilgen. Bwl turalı Sırtqı ister ministri Beybit Atamqwlovtıñ resmi saparı barısında Beyjiñde ötken Qazaqstan-Qıtay kelissözderi barısında söz boldı. Däl osı twrğıda Qıtay SİM basşısınıñ mälimdemesi jasaldı.

Ekinşiden. Qıtay aumağında twratın etnikalıq qazaqtarğa keletin bolsaq, Qazaqstan olardı dostıq eki jaqtı qatınastardıñ mañızdı faktorı retinde qarastıradı. Bizde Qıtaymen ortaq pikir bar. Pekinde ötken kezdesude eki eldiñ Sırtqı ister ministrlikteri arasındağı jwmıs baylanıstarı arqılı tuındaytın mäselelerdi şeşuge özara müddelilik tanıtıp, konsuldıq qızmetterdiñ jwmısın jandandıru turalı uağdalastıqqa qol jetkizildi. Bwl jwmıs jalğasadı.

Qazaqstan Sırtqı ister ministrligi BAQ-tardı mälimdemelerin dwrıs jariyalauğa, bwrmalaudan, tüsinikterdi özgertpeuge jäne mätinnen, äsirese halıq üşin sezimtal mäseleler boyınşa söylemderdi üzbeuge şaqıradı.

Qazaqstan men Qıtay eki memleket halıqtarı arasındağı strategiyalıq seriktestik pen dostıqtı nığaytudı jalğastıra otırıp, aymaqtağı jäne älemdegi beybitşilikke ilgerilemeli damuğa järdemdesedi.

Osıdan bwrın BAQ-ta kezekti Qazaqstan-Qıtay kelissözi men resmi kezdesui turasında türli alıp qaşpa pikirler tarağanı ras. Bwğan belgili jaqtan kezekti kelissöz-kezdesui turalı naqtı äri tüsinikti aqparatqa qoğamdıq auditoriyanıñ der şağında qoljetimdi bolmauı öz äserin tigizdi. Äsirese, Qıtaydağı qazaq mäselesi qazaq qoğamnıñ nazarında twrğan eñ bastı taqırıptıñ biri. Bwl jayında kez-kelgen resmi qadamdar auditoriyağa naqtı äri der kezinde jetip otıruı kerek edi.

Mwnday jağday bir ğana SİM-ge tän emes. Köp rette ministrlikter belgili bir sayasi mäselelerge baylanıstı aqparat beruge sarañdıq tanıtadı. Äsirese, resmi sayttardıñ qazaq tilindegi paraqşaları aqparattı keşiktirip beretini sınğa köp wşıraydı.

“The Qazaq Times”