Kunar jerinde DAIŞ pen tälipter arasında qaqtığıs boldı. Foto: Indian Defence Review.

Auğanstannıñ şığısındağı Kunar provinciyasında terrorlıq top DAIŞ pen Taliban küşteri arasında qaqtığıs boldı. Qaqtığısta 19 adam qaza tapqan.

Kunardıñ resmi lauazımdıları jasağan mälimdeme de eki qarulı top Çapadere audanında qaqtığısqan. Atıs kezinde DAIŞ-tan 17 adam qaza tauıp 15 adam jaraqat alğan. Al, tälipter jağınan 2 adam qaza tauıp, 10 adam jaralanğan.

Eki qarulı top arasındağı qaqtığıs baqılau territoriyasına talastan bolğan. Nätijesinde, bwğan deyin tälipterdiñ ieligindegi Çapaderedegi keybir aymaqtar DAIŞ-tıñ baqılauına ötken.

Resmilerdiñ mälimdeuinşe, kezekti qaqtığıstan keyin atalğan audanda 2 mıñğa juıq twrğın basqa öñirge qonıs audarğan.

“The Qazaq Times”