Кунар жерінде ДАИШ пен тәліптер арасында қақтығыс болды. Фото: Indian Defence Review.

Ауғанстанның шығысындағы Кунар провинциясында террорлық топ ДАИШ пен Талибан күштері арасында қақтығыс болды. Қақтығыста 19 адам қаза тапқан.

Кунардың ресми лауазымдылары жасаған мәлімдеме де екі қарулы топ Чападере ауданында қақтығысқан. Атыс кезінде ДАИШ-тан 17 адам қаза тауып 15 адам жарақат алған. Ал, тәліптер жағынан 2 адам қаза тауып, 10 адам жараланған.

Екі қарулы топ арасындағы қақтығыс бақылау территориясына таластан болған. Нәтижесінде, бұған дейін тәліптердің иелігіндегі Чападередегі кейбір аймақтар ДАИШ-тың бақылауына өткен.

Ресмилердің мәлімдеуінше, кезекті қақтығыстан кейін аталған ауданда 2 мыңға жуық тұрғын басқа өңірге қоныс аударған.

“The Qazaq Times”